Müsəlman Birliyi Hərəkatının həbsdə olan üzvü Ağaəli Yahyayevin ailəsi 8 gündür onunla telefon əlaqəsi saxlaya bilmədiyini bildirir. Bu barədə oktyabrın 30-da onun yaxınları sosial mediada məlumat yayıblar.
Onların sözlərinə görə, Ağaəli Yəhyayev oktyabrın 22-də zəng edərək hicablı şagird və müəllimələrin məktəblərə buraxılmamasına etirazını ifadə edən müraciətini göndərib. Yaxınları həmin vaxtdan sonra onun telefonla əlaqə saxlamasına imkan verilmədiyini bildirirlər.
Yəhyayev müraciətində hicabı “qırmızı xətt” adlandırıb: “Hicab bizim evimizin içinə girmək deməkdir. Bu gün bizim evimizin içinə girənlər sabah nələr etməzlər. Bu, artıq durulmalı və dayanılmalı olan bir nöqtədir. Öz haqqımızdan keçərik, amma hicabdan keçmərik”.
O, həmçinin yaxın günlərdə “ciddi addım atılmasa”, ölüm aclığına başlayacağını bildirib.
“Bu məsələni diqqətdə saxlayan, həmçinin məlum qərarı insan hüquqlarının pozulması kimi qəbul edərək etirazını bildirən inanclı və inancsız, hicablı və hicabsız, xalqımızın dürüst, vicdanlı hər bir fərdinə təşəkkürümüzü bildiririk”, - müraciətdə deyilir.
Yaxınları bildiriblər ki, oktyabrın 28-də Penitensiar Xidmətin qaynar xəttinə müraciət ediblər. Onlara məlumat veriləcəyi və ya Ağa-Əli Yəhyayevin özü ilə əlaqə saxlayacağı bildirilsə də, nəticə olmayıb. Onların sözlərinə görə, oktyabrın 29-da edilən zənglərə isə cavab verilməyib.
“8 gündür uşaqlar atasının səsinə həsrət qalıblar. Hər gün atalarının nə vaxt zəng edəcəyini soruşurlar, mən isə onlara nə cavab verəcəyimi bilmirəm”, - yaxınları qeyd ediblər.
Ağa-Əli Yəhyayevin həyat yoldaşı Şahanə Həsənova isə oktyabrın 21-də hicabla bağlı sosial media paylaşımlarına görə polis tərəfindən xəbərdar edildiyini bildirmişdi. Onun sözlərinə görə, Abşeron Rayon Polis İdarəsindən zəng edən şəxs məktəb qarşısında çəkib “Facebook”da paylaşdığı videoların silinməsini istəyib.
Həsənova həmin vaxt xəbərdarlıqdan sonra özünü təhlükəsizlikdə hiss etmədiyini deyib. O, hicabla bağlı məhdudiyyətlər tətbiq olunmağa başlayandan sonra övladını hər gün məktəbə apardığını və uşağın dərsə buraxılmaması ilə bağlı paylaşımlar etdiyini bildirib. “Toplum TV” məsələ ilə bağlı Abşeron Rayon Polis İdarəsindən münasibət almağa çalışsa da, zənglərə cavab verilməyib.
Ağaəli Yahyayev 2023-cü il avqustun 31-də saxlanılıb. O, külli miqdarda narkotik vasitələrin qanunsuz dövriyyəsində ittiham olunub və 2024-cü ilin sentyabrında 7 il müddətinə azadlıqdan məhrum edilib. Yahyayev ittihamı qəbul etmir.
O, bundan əvvəl də 2015-ci il Nardaran hadisələri ilə bağlı həbs edilmiş, 15 il azadlıqdan məhrum olunmuşdu. Yahyayev 2021-ci ildə əfv sərəncamı ilə azadlığa buraxılmışdı.
Ağaəli Yəhyayevin ailəsi: “Hicabla bağlı müraciətindən sonra onunla əlaqə saxlaya bilmirik”
Müsəlman Birliyi Hərəkatının həbsdə olan üzvü Ağaəli Yahyayevin ailəsi 8 gündür onunla telefon əlaqəsi saxlaya bilmədiyini bildirir. Bu barədə oktyabrın 30-da onun yaxınları sosial mediada məlumat yayıblar.
Onların sözlərinə görə, Ağaəli Yəhyayev oktyabrın 22-də zəng edərək hicablı şagird və müəllimələrin məktəblərə buraxılmamasına etirazını ifadə edən müraciətini göndərib. Yaxınları həmin vaxtdan sonra onun telefonla əlaqə saxlamasına imkan verilmədiyini bildirirlər.
Yəhyayev müraciətində hicabı “qırmızı xətt” adlandırıb: “Hicab bizim evimizin içinə girmək deməkdir. Bu gün bizim evimizin içinə girənlər sabah nələr etməzlər. Bu, artıq durulmalı və dayanılmalı olan bir nöqtədir. Öz haqqımızdan keçərik, amma hicabdan keçmərik”.
O, həmçinin yaxın günlərdə “ciddi addım atılmasa”, ölüm aclığına başlayacağını bildirib.
“Bu məsələni diqqətdə saxlayan, həmçinin məlum qərarı insan hüquqlarının pozulması kimi qəbul edərək etirazını bildirən inanclı və inancsız, hicablı və hicabsız, xalqımızın dürüst, vicdanlı hər bir fərdinə təşəkkürümüzü bildiririk”, - müraciətdə deyilir.
Yaxınları bildiriblər ki, oktyabrın 28-də Penitensiar Xidmətin qaynar xəttinə müraciət ediblər. Onlara məlumat veriləcəyi və ya Ağa-Əli Yəhyayevin özü ilə əlaqə saxlayacağı bildirilsə də, nəticə olmayıb. Onların sözlərinə görə, oktyabrın 29-da edilən zənglərə isə cavab verilməyib.
“8 gündür uşaqlar atasının səsinə həsrət qalıblar. Hər gün atalarının nə vaxt zəng edəcəyini soruşurlar, mən isə onlara nə cavab verəcəyimi bilmirəm”, - yaxınları qeyd ediblər.
Ağa-Əli Yəhyayevin həyat yoldaşı Şahanə Həsənova isə oktyabrın 21-də hicabla bağlı sosial media paylaşımlarına görə polis tərəfindən xəbərdar edildiyini bildirmişdi. Onun sözlərinə görə, Abşeron Rayon Polis İdarəsindən zəng edən şəxs məktəb qarşısında çəkib “Facebook”da paylaşdığı videoların silinməsini istəyib.
Həsənova həmin vaxt xəbərdarlıqdan sonra özünü təhlükəsizlikdə hiss etmədiyini deyib. O, hicabla bağlı məhdudiyyətlər tətbiq olunmağa başlayandan sonra övladını hər gün məktəbə apardığını və uşağın dərsə buraxılmaması ilə bağlı paylaşımlar etdiyini bildirib. “Toplum TV” məsələ ilə bağlı Abşeron Rayon Polis İdarəsindən münasibət almağa çalışsa da, zənglərə cavab verilməyib.
Ağaəli Yahyayev 2023-cü il avqustun 31-də saxlanılıb. O, külli miqdarda narkotik vasitələrin qanunsuz dövriyyəsində ittiham olunub və 2024-cü ilin sentyabrında 7 il müddətinə azadlıqdan məhrum edilib. Yahyayev ittihamı qəbul etmir.
O, bundan əvvəl də 2015-ci il Nardaran hadisələri ilə bağlı həbs edilmiş, 15 il azadlıqdan məhrum olunmuşdu. Yahyayev 2021-ci ildə əfv sərəncamı ilə azadlığa buraxılmışdı.
Oxşar xəbərlər