Bağdad Cümə imamı Azərbaycanda hicab qadağasını tənqid edib

İraqın tanınmış simalarından olan Ayətullah Musəvi, Bakı hökumətinin Azərbaycanda hicabı qadağan etmək qərarını tənqid edib.

Bağdad Cümə İmamı Ayətullah Seyid Yasin əl-Musəvi, Azərbaycan hökumətinin məktəblərdə hicabı qadağan etmək qərarını dini prinsiplərə zidd hesab etdiyini bildirib.

Əl-Musəvi şagird və müəllimlər tərəfindən hicabdan istifadənin qadağan edilməsinin dini azadlığın pozulması olduğunu bildirib; o, xüsusilə qeyd etdi ki, Azərbaycan Respublikası cəmiyyətinin böyük əksəriyyəti onilliklər boyu davam edən kommunist hakimiyyətinə, dinə və dini rituallara qarşı mübarizəyə baxmayaraq, İslam kimliyinə sadiq qalıb.

Ayətullah əl-Üzma Seyid Əli Sistaninin ofisinin bu məsələnin həllinin zəruriliyi ilə bağlı mövqeyinə toxunan əl-Musəvi hicab məsələsinin yalnız bir neçə fərdi işin deyil, cəmiyyətin mədəniyyəti və kimliyi ilə bağlı bir məsələ kimi qəbul edilməli olduğunu vurğulayıb. Əl-Musavi həmçinin Azərbaycan xalqı ilə həmrəyliyini ifadə edib və alimləri, dini hövzələri, müsəlmanları və qeyri-müsəlmanları bu cür təcrübələri pisləməyə çağırıb.