"Amerikanın Səsi" bütün işçilərini itirəcək

"Amerikanın Səsi" radiosunun təxminən 800-ə yaxın tam ştatlı əməkdaşı Tramp administrasiyasının maliyyə azaldılması fonunda bu həftə işdən çıxarılması barədə bildiriş alacaqlar. 

Bu barədə "Politico" nəşri "Amerikanın Səsi"nin dörd əməkdaşına istinadən məlumat yayıb. 

Martın 15-də Tramp administrasiyasının rəsmiləri "Amerikanın Səsi"nə nəzarət edən ABŞ-nin Qlobal Media Agentliyinə (USAGM) maliyyə ayırıb. Mart ayında "Amerikanın Səsi"nin əməkdaşlarına “USAGM binalarına daxil olmamaq” və ya “USAGM sistemlərinə daxil olmamaq” göstərişi verilib. "Amerikanın Səsi" radiosunda çalışan 1300-dən çox jurnalist, prodüser və yardımçı heyət də inzibati məzuniyyətə göndərilib: "USAGM-in rəhbərlik etdiyi ixtisarlar çox güman ki, bütün işçilərə təsir edəcək və əməliyyatları effektiv şəkildə dayandıracaq. Mayın 15-də "Amerikanın Səsi" üçün işləyən 600-ə yaxın podratçı işin dayandırılması barədə bildiriş aldı".

Qeyd edək ki, "Amerikanın Səsi" 1942-ci ildə yaradılıb və bütün dünyada 50-yə yaxın dildə yayımlanır.