İlahiyyatçı Hacı Ələmdar Qiyasov sosial mediada paylaşım edərək inanclı qadınların saxlanılmasını kəskin şəkildə qınayıb. O, İmam Hüseynin (ə) 40 mərasimində ehsan paylayan xanımların həbs edilməsini Aşura dəyərlərinə qarşı açıq təhdid kimi qiymətləndirib.
“Yüzlərlə inanclı qardaşımızın həbsi göstərirdi ki, bu proses davam edəcək. Bu, çox narahatedici haldır. Dünən qardaşlarımız üçün azadlıq duası edirdiksə, bu gün ‘bacılarımız həbsdədir’ demək insana ikiqat ağır gəlir.
Artıq müəyyən maddələrlə cinayət işi açılıb və bacılarımız şübhəli şəxs qismində istintaqa cəlb olunub, eyni zamanda təzyiq və təhdid altındadırlar. Səbəb isə onların İmam Hüseynə (ə) ehsan vermələridir. Aşura mərasimlərinə qadağa qoyan qüvvənin, təbii ki, ona ehsan paylayanlara da mane olması gözlənilən idi. Burada əsas hədəf İmam Hüseyn (ə) və onun Aşura məktəbidir.”
Ruhani Hacı Ələmdar Qiyasov inanclı xanımların həbsini pislədi