İnanclı xanımlara açılan cinayət işinə etirazlar davam edir. Bu dəfə 2 saylı cəzaçəkmə müəssisəsindən siyasi məhbuslar Razi Hümbətov və Mirsultan Bağırov İmam Hüseynin 40-ı, Ərbəin günü ehsan paylayan xanımların saxlanılaraq barələrində cinayət işinin açılmasını qınayıblar.
“Xanımların saxlanılaraq barələrində həbs-qətimkan tədbirinin seçilməsi məlum hadisənin mərhələli dini məhdudiyyətlər icra edilən hadisələrin davamı olduğuna əyani sübutdur. Əks halda xanımların ittiham olunduqları maddənin cərimə daxil olmaqla bir neçə yüngülləşdirici bəndləri olduğu halda hakimiyyət niyə onlar barəsində maddənin ən ağır tərəfini-cinayət işini başlatsın ki?
Bəllidir ki, bütün bunlar planlı icra edilir və məkirli bir oyunun davamıdır. Yolverilməz addımı qınayır və hakimiyyətdən məlum addımlara son verməyi, inanclı xanımları azad etməyi tələb edirik.”
Razi Hümbətov və Mirsultan Bağırov məlum hadisəyə etirazları səbəbindən həbsxana rəhbərliyinin telefon məhdudiyyəti ilə üzləşiblər. Rəhbərlik bütün cəhdi ilə etirazın həbsxanadan çıxmasının qarşısını almağa çalışıb.
2 saylı cəzaçəkmə müəssisəsində inanclı xanımların həbsi pislənildi