09 June 2025

Boksçularımız beynəlxalq turnirdə 7 medal qazanıb

Azərbaycanın gənc boksçuları Gürcüstanın Poti şəhərində keçirilən beynəlxalq turnirdə 7 medal qazanıblar.

Azərbaycan Boks Federasiyasından verilən məlumata görə, millinin heyətində Bilalhəbaşi Nəzərov (50 kq), Zidan Hümbətov (55 kq) və Məhəmməd Cəfərov (+90 kq) bütün rəqiblərinə qalib gələrək, birinci yeri tutublar.

Yalnız finalda məğlub olan Sübhan Babayevlə (57 kq) Hüseyn Hüseynli (90 kq) gümüş medala yiyələniblər.

Çinin ABŞ-a ixracı may ayında 35% azalıb – son illərin ən kəskin enişi

CNBC telekanalı Çinli “Wind Information” analitik şirkətinə istinadən yayımladığı məlumata görə, 2025-ci ilin may ayında Çinin ABŞ-a ixracı ötən ilin eyni dövrü ilə müqayisədə 34,5% azalıb.

Bu, 2020-ci ilin fevralından – COVID-19 pandemiyasının qlobal ticarəti iflic etdiyi dövrdən bəri ən böyük azalma hesab olunur. Ekspertlər bu göstəricini həm ABŞ-la ticarət gərginliyi, həm də istehlak bazarlarında tələbatın zəifləməsi ilə əlaqələndirirlər.

Suriyada minlərlə əcnəbi yaraqlı məskunlaşıb

“The New York Times” Suriyadakı əcnəbi yaraqlıların yeni rejim tərəfindən orduya inteqrasiya olunduğunu, ABŞ-ın bu vəziyyətə “ehtiyatla” yanaşdığını, bəzi suriyalıların isə bu şəxslərin vətəndaşlıq almasına və ictimai həyatda iştirakına qarşı olduğunu bildirib.

“The New York Times”ın (NYT) məlumatına görə, Suriyada Bəşər Əsəd rejimini devirmək üçün “üsyançı” qruplarla birlikdə döyüşən minlərlə xarici yaraqlı müharibədən sonra ölkədə qalmağı planlaşdırır.

Trampın qoşun yeritdiyi Los-Ancelesdə etirazlar şiddətlənib

ABŞ-ın Kaliforniya ştatının Los-Anceles şəhərində immiqrasiya işçilərinin reydlərinə qarşı etirazlar üç gündür ki, davam edir. 

Prezident Donald Tramp etirazları yatırmaq üçün 2,000 əsgərlik Milli Qvardiya birləşməsini şəhərə yeritmək əmri verib. 

Bu, 1965-ci ildən bəri prezidentin ştat qubernatoru ilə razılaşmadan qoşun yeritdiyi ilk hadisə olub. 

Jamdelianidən müzakirələrə səbəb olacaq açıqlama: "Məni öldürmək istəyirlər..."

Marneuli və Hucabi yepiskopu Giorgi Jamdeliani iddia edir ki, hakimiyyətə yaxın şəxslər onun qətlini planlaşdırırdılar və bunun üçün bir rahibəni ələ almışdılar.

O, bu barədə kilsə ambionundan danışıb. Din xadimi deyib ki, onu rahibənin əli ilə öldürmək istəyirlərmiş.

Ruanda Mərkəzi Afrika Dövlətləri İqtisadi Birliyindən (ECCAS) çıxdığını elan edib

Ruanda bu qərarını üzv kimi hüquqlarının dəfələrlə pozulması və təşkilatın öz əsas prinsiplərinə əməl etməməsi ilə əsaslandırıb.

Ruanda Xarici İşlər Nazirliyi verdiyi bəyanatda bildirib ki, hökumət "artıq öz əsas prinsiplərinə əməl etməyən və üzərinə düşən vəzifələri yerinə yetirməyən bir təşkilatda üzv qalmağın mənasız olduğunu" düşünür.

ABŞ-ın Yaponiyadakı aviabazasında partlayış baş verib

ABŞ qüvvələrinin Yaponiyadakı Kadena aviabazasında partlayış baş verib.

Reuters agentliyinin Yaponiya Radio və Televiziyasına istinadən verdiyi məlumata görə, ABŞ Hərbi Hava Qüvvələrinin Yaponiyadakı Kadena aviabazasında partlayış baş verib.

Kyudo xəbər agentliyi ABŞ qüvvələrinin Okinavadakı Kadena aviabazasında baş verən partlayış nəticəsində ən azı dörd yapon əsgərinin yaralandığını bildirib.

Süleyman Ələkbərov kobud davranışa məruz qalıb

Siyasi məhbus Süleyman Ələkbərov yeni köçürülən qapalı tipli cəzaçəkmə müəsisəsində kobud davranşa məruz qaldığını bildirib. Bu barədə o, özü ailəsi ilə telefon əlaqəsi zamanı söyləyib.

“Süleyman bildirdi ki, yeni köçürüldüyü müəsisədə ona qarşı kobud davranışlar edilir. O, bu davranışların nə olduğunu söyləyəndə onun əlindən dəstək alınaraq əlaqə kəsildi” deyə Süleyman Ələkbərovun xanımı bildirib.

İran öz hüquqlarının hər hansı pozuntusuna qarşı güclü reaksiya verəcək

Rəsmi Tehran iyunun 8-də bəyan edib ki, BMT-nin nüvə proqramlarına nəzarət orqanı olan Atom Enerjisi üzrə Beynəlxalq Agentlik (AEBA) ilə əməkdaşlığını məhdudlaşdıra bilər. Bildirilib ki, bu gün, iyunun 9-da başlayacaq iclasda Tehranın 20 il ərzində ilk dəfə olaraq təhlükəsizlik tədbirlərinə əməl etmədiyini bildirən qətnamə AEBA tərəfindən qəbul olunarsa, bu addım atılacaq.