İctimai fəal və “Yoldaş Media”nın təsisçisi Əhməd Məmmədli barəsində mayın 8-də 4 aylıq həbs qətimkan tədbiri seçilib.
Məmmədli Binəqədi Rayon Məhkəməsinə gətirilərkən “Yoldaş Media”nın fəaliyyətinə görə həbs olunduğunu deyib və “Azad media susdurula bilməz!” deyə qışqırıb.
O, Cinayət Məcəlləsinin sağlamlığa qəsdən ağır zərər vurma və xuliqanlıq maddələri ilə ittiham olunur.
Mayın 6-ı axşam radələrindən yaxınları ondan xəbər ala bilməyib.
Bir gün sonra isə APA-da onun Biləcəri qəsəbəsində taksidə yer mübahisəsi üstündə bir nəfəri bıçaqladığı haqqında xəbər gedib.
Həyat yoldaşı Türkan Məmməd isə fəalın şərləndiyini və belə bir ssenari qurulduğunu bildirir.
Əhməd Məmmədli yaxınlarına polis idarəsində telefonunun şifrəsini verməsi üçün döyüldüyünü və elektroşok verildiyini deyib.
O, saxlanıldığı gün 38 gündür aclıq edən Tofiq Yaqublunun məhkəməsi önündən çəkiliş edirmiş.
Məmmədli “Tələbə Güc Mərkəzi” və “D18” hərəkatlarının sədri olub. O, aksiyalarda iştirakı və sosial mediada hökuməti tənqid etməsi ilə tanınır.
Fəal 2022-ci ilin sentyabrında sosial mediada Prezident İlham Əliyevi tənqid edən post yazdıqdan sonra inzibati qaydada 30 sutkalıq həbs olunmuşdu.
Onun ölkədən çıxışına qadağa var idi.
___________________________________________________________________________________________________________________________________________________
Mayın 6-da axşam saatlarında ictimai fəal Əhməd Məmmədli saxlanıb.
Bu barədə onun yaxınları məlumat verib. Vurğulanır ki, fəalı Binəqədi rayon Polis İdarəsinin əməkdaşları saxlayarkən, o zorakılığa məruz qalıb.
Məsələyə, hələlik, Daxili İşlər Nazirliyindən (DİN) münasibət almaq mümkün olmayıb.
Amma Azərbaycanın yerli saytlarının iddiasına görə, mayın 6-da saat 22 radələrində bir şəxsə Biləcəri qəsəbəsi, R.İsmayılov küçəsində qarın boşluğundan bıçaqla xəsarətlər yetirilib. Vurğulandığına görə, Ə.Məmmədli həmin məsələ ilə bağlı saxlanıb.
Ə.Məmmədli 2022-ci ildə D-18 Hərəkatının (hərəkat 2023-cü ildə buraxılıb) sədri ikən polisin qanuni tələbinə qəsdən tabe olmama maddəsi ilə 30 sutka inzibati həbs edilmişdi. Ancaq o, həbsini sülhdən danışması, prezident İlham Əliyevi tənqid etməsi ilə əsaslandırmışdı.
Əhməd Məmmədli barəsində 4 ay həbs qətimkan tədbiri seçilib (yenilənib)
İctimai fəal və “Yoldaş Media”nın təsisçisi Əhməd Məmmədli barəsində mayın 8-də 4 aylıq həbs qətimkan tədbiri seçilib.
Məmmədli Binəqədi Rayon Məhkəməsinə gətirilərkən “Yoldaş Media”nın fəaliyyətinə görə həbs olunduğunu deyib və “Azad media susdurula bilməz!” deyə qışqırıb.
O, Cinayət Məcəlləsinin sağlamlığa qəsdən ağır zərər vurma və xuliqanlıq maddələri ilə ittiham olunur.
Mayın 6-ı axşam radələrindən yaxınları ondan xəbər ala bilməyib.
Bir gün sonra isə APA-da onun Biləcəri qəsəbəsində taksidə yer mübahisəsi üstündə bir nəfəri bıçaqladığı haqqında xəbər gedib.
Həyat yoldaşı Türkan Məmməd isə fəalın şərləndiyini və belə bir ssenari qurulduğunu bildirir.
Əhməd Məmmədli yaxınlarına polis idarəsində telefonunun şifrəsini verməsi üçün döyüldüyünü və elektroşok verildiyini deyib.
O, saxlanıldığı gün 38 gündür aclıq edən Tofiq Yaqublunun məhkəməsi önündən çəkiliş edirmiş.
Məmmədli “Tələbə Güc Mərkəzi” və “D18” hərəkatlarının sədri olub. O, aksiyalarda iştirakı və sosial mediada hökuməti tənqid etməsi ilə tanınır.
Fəal 2022-ci ilin sentyabrında sosial mediada Prezident İlham Əliyevi tənqid edən post yazdıqdan sonra inzibati qaydada 30 sutkalıq həbs olunmuşdu.
Onun ölkədən çıxışına qadağa var idi.
___________________________________________________________________________________________________________________________________________________
Mayın 6-da axşam saatlarında ictimai fəal Əhməd Məmmədli saxlanıb.
Bu barədə onun yaxınları məlumat verib. Vurğulanır ki, fəalı Binəqədi rayon Polis İdarəsinin əməkdaşları saxlayarkən, o zorakılığa məruz qalıb.
Məsələyə, hələlik, Daxili İşlər Nazirliyindən (DİN) münasibət almaq mümkün olmayıb.
Amma Azərbaycanın yerli saytlarının iddiasına görə, mayın 6-da saat 22 radələrində bir şəxsə Biləcəri qəsəbəsi, R.İsmayılov küçəsində qarın boşluğundan bıçaqla xəsarətlər yetirilib. Vurğulandığına görə, Ə.Məmmədli həmin məsələ ilə bağlı saxlanıb.
Ə.Məmmədli 2022-ci ildə D-18 Hərəkatının (hərəkat 2023-cü ildə buraxılıb) sədri ikən polisin qanuni tələbinə qəsdən tabe olmama maddəsi ilə 30 sutka inzibati həbs edilmişdi. Ancaq o, həbsini sülhdən danışması, prezident İlham Əliyevi tənqid etməsi ilə əsaslandırmışdı.