18 September 2026

Nəcəf Elmi Hövzəsinin mininci ildönümü elan edildi

İmam Əli (ə) hərəmində Nəcəf Elmi Hövzəsinin yaradılmasının mininci ildönümü ilə bağlı xüsusi layihənin təqdimat mərasimi təşkil olunub.

Din xadimləri, elmi hövzə nümayəndələri və zəvvarların iştirak etdiyi tədbirdə 1000 illik dindar-elmi irsin qorunması və gələcək nəsillərə çatdırılması istiqamətində nəzərdə tutulan tədbirlər planı ictimaiyyətə elan olunub. Layihə çərçivəsində elmi konfransların təşkili, tarixi əlyazmaların bərpası və nəşri eləce də elmi-tədqiqat işlərinin genişləndirilməsi planlaşdırılır.

İsrailin yenidən Livana hücumları başladı

İsrail Livanın cənubundakı Nəbatiyyə əl-Fəvqa, Qantara və Tallusə şəhərlərinə hava hücumları təşkil etdiyi bildirilir.

Livan rəsmi xəbər agentliyi NNA-nın məlumatına görə, İsrail ölkənin cənubundakı Nəbatiyyə əl-Fəvqa, Qantara və Tallusə şəhərlərini hava hücumları ilə hədəfə alıb.

Məlumatda həmçinin bildirilir ki, işğalçı ordunun bir neçə saat əvvəl Livanın cənubundakı Əita əl-Şəab şəhərində genişmiqyaslı partlayış törətdiyi bildirilir.

ABŞ administrasiyası müharibə bitmədən Rusiya ilə iqtisadi əlaqələri bərpa etmək variantına baxır

Ağ Ev Ukraynadakı müharibənin bitməsindən əvvəl belə Rusiya ilə müəyyən iqtisadi və digər müqavilələr bağlamaq imkanını nəzərdən keçirir.

Məlumatı The New York Times mənbələrinə istinadən yayıb. Nəşrin məlumatına görə, müqavilə Vaşinqtonun Ukrayna ilə bağlı tam sülh müqaviləsinin əldə edilib-edilməməsindən asılı olmayaraq Moskva ilə bağlaya biləcəyi mümkün sahələrə aiddir.

Avropa Liqası: "Beşiktaş" qələbə qazandı

UEFA Avropa Liqasında əsas mərhələnin növbəti matçları keçirilib.

İkinci oyun günündə daha 9 qarşılaşma baş tutub.

Türkiyənin turnirdəki təmsilçisi "Beşiktaş" Fransanın "Marsel" kollektivini qəbul edib. Qarşılaşma Türkiyə təmsilçisinin 4:1 hesablı əzmkar qələbəsi ilə başa çatıb.

"Yuventus" isə İtaliyada Niderlandın "Neymegen" klubunu sınağa çəkib. Matç meydan sahiblərinin böyükhesablı (5:0) qələbəsi ilə yekunlaşıb.

 

Pezeşkian: Ayətullah Müctəba Xamenei sağdır və işini davam etdirir

İran İslam İnqilabının Ali lideri Ayətullah Müctəba Xamenei sağdır.

Bu barədə İran prezidenti Məsud Pezeşkian bəyan edib.

O bildirib ki, Ayətullah Müctəba Xamenei öz vəzifələrini icra etməyə davam edir.

Pezeşkian qeyd edib ki, Ali liderin yerinin gizli olması zəruridir, çünki ABŞ və İsrail tərəfindən daha öncə də İranın liderləri və komandirlərinə qarşı hücumlar törədilib.

Azərbaycan DTX 5 ölkədə paralel antiterror tədbirləri keçirib, 10 nəfər saxlanılıb

Azərbaycan Respublikası Dövlət Təhlükəsizliyi Xidməti (DTX) tərəfindən həyata keçirilən antiterror və əməliyyat-axtarış tədbirləri zamanı Azərbaycan və xarici ölkə vətəndaşlarının gizli təşkilatlanma, terrorçuluğa hazırlıq və terrorçuluğun maliyyələşdirilməsi ilə bağlı cinayət əməlləri aşkar edilib.

Bu barədə DTX-nin Mətbuat xidmətindən məlumat verilib.