Jurnalistləri Müdafiə Komitəsi (CPJ) “Meclis.info”nun rəhbəri İmran Əliyev və ictimai fəal Elgiz Qəhrəmana verilən həbs cəzalarını pisləyib.
Təşkilatın noyabrın 13-də yaydığı bəyanatda Azərbaycan hakimiyyəti xarici maliyyə ilə bağlı ittihamlardan müstəqil medianı susdurmaq üçün istifadə etməkdə ittiham olunub.
CPJ bildirib ki, “Meclis.info” parlament deputatlarının fəaliyyəti barədə analitik materiallar və videolar yayımlayıb.
CPJ-nin Avropa və Mərkəzi Asiya proqramı üzrə direktoru Fiona Obrayn bildirib ki, bu hökmlərdən sonra Azərbaycanda həbsdə olan jurnalistlərin sayı azı 26-ya çatıb.
“Hakimiyyət bir daha xarici maliyyələşmə haqqında qanunlardan müstəqil medianı məhv etmək üçün qəddarcasına sui-istifadə edir. Azərbaycan jurnalistləri sadəcə öz işlərini gördüklərinə görə ağır cinayətkarlar kimi rəftar etməməlidir. Beynəlxalq tərəfdaşlar Azərbaycan hökumətini məsuliyyətə cəlb etməlidirlər”, - Obrayn deyib.
CPJ qeyd edib ki, “Meclis.info” xarici donorların vəsaitini qanunsuz əldə etmək ittihamı ilə hədəfə alınan dörd aparıcı müstəqil media qurumundan biridir.
“Bu ilin iyulunda “Toplum TV” ilə əlaqəli doqquz nəfər oxşar ittihamlarla həbs cəzası alıb, “Abzas Media”nın altı jurnalisti və media işçisi isə 2025-ci ildə azadlıqdan məhrum edilib. “Meydan TV” ilə əlaqəli 12 jurnalist və media işçisi də maliyyə cinayətləri ittihamı ilə hazırda istintaq təcridxanasındadır”, - CPJ bildirib.
İmran Əliyev 2024-cü il aprelin 18-də Heydər Əliyev Beynəlxalq Hava Limanında saxlanılıb. Ona əvvəlcə Cinayət Məcəlləsinin 206.3.1 və 206.3.2-ci maddələri ilə qaçaqmalçılıq ittihamı verilib, daha sonra ittihamları ağırlaşdırılıb.
Elgiz Qəhrəman və Tamella Musayeva eyni iş üzrə 2025-ci ilin fevralında cinayət məsuliyyətinə cəlb olunublar. Onların barəsində polis nəzarəti qətimkan tədbiri seçilib.
İmran Əliyevə 10, digər ictimai fəal Elgiz Qəhrəmana isə 9 il həbs cəzası kəsilib. İstintaq və məhkəmə prosesi getdiyi dövrdə azadlıqda olan E.Qəhrəman hökm oxunandan dərhal sonra məhkəmə zalında həbs edilib.
Tamella Musayevaya isə 8 il şərti cəza verilib.
Onlar cinayət yoluyla əldə olunmuş vəsaitin leqallaşdırılması, qaçaqmalçılıq və s. əməllərdə təqsirli bilinib.
Hökmdən öncə son sözünü deyən İmran Əliyev də, Elgiz Qəhrəman da bu ittihamların əsassız olduğunu vurğulayıb və bəraət istəyiblər.
CPJ: “Azərbaycan hakimiyyəti xarici maliyyələşmə qanunlarından müstəqil medianı məhv etmək üçün istifadə edir”
Jurnalistləri Müdafiə Komitəsi (CPJ) “Meclis.info”nun rəhbəri İmran Əliyev və ictimai fəal Elgiz Qəhrəmana verilən həbs cəzalarını pisləyib.
Təşkilatın noyabrın 13-də yaydığı bəyanatda Azərbaycan hakimiyyəti xarici maliyyə ilə bağlı ittihamlardan müstəqil medianı susdurmaq üçün istifadə etməkdə ittiham olunub.
CPJ bildirib ki, “Meclis.info” parlament deputatlarının fəaliyyəti barədə analitik materiallar və videolar yayımlayıb.
CPJ-nin Avropa və Mərkəzi Asiya proqramı üzrə direktoru Fiona Obrayn bildirib ki, bu hökmlərdən sonra Azərbaycanda həbsdə olan jurnalistlərin sayı azı 26-ya çatıb.
“Hakimiyyət bir daha xarici maliyyələşmə haqqında qanunlardan müstəqil medianı məhv etmək üçün qəddarcasına sui-istifadə edir. Azərbaycan jurnalistləri sadəcə öz işlərini gördüklərinə görə ağır cinayətkarlar kimi rəftar etməməlidir. Beynəlxalq tərəfdaşlar Azərbaycan hökumətini məsuliyyətə cəlb etməlidirlər”, - Obrayn deyib.
CPJ qeyd edib ki, “Meclis.info” xarici donorların vəsaitini qanunsuz əldə etmək ittihamı ilə hədəfə alınan dörd aparıcı müstəqil media qurumundan biridir.
“Bu ilin iyulunda “Toplum TV” ilə əlaqəli doqquz nəfər oxşar ittihamlarla həbs cəzası alıb, “Abzas Media”nın altı jurnalisti və media işçisi isə 2025-ci ildə azadlıqdan məhrum edilib. “Meydan TV” ilə əlaqəli 12 jurnalist və media işçisi də maliyyə cinayətləri ittihamı ilə hazırda istintaq təcridxanasındadır”, - CPJ bildirib.
İmran Əliyev 2024-cü il aprelin 18-də Heydər Əliyev Beynəlxalq Hava Limanında saxlanılıb. Ona əvvəlcə Cinayət Məcəlləsinin 206.3.1 və 206.3.2-ci maddələri ilə qaçaqmalçılıq ittihamı verilib, daha sonra ittihamları ağırlaşdırılıb.
Elgiz Qəhrəman və Tamella Musayeva eyni iş üzrə 2025-ci ilin fevralında cinayət məsuliyyətinə cəlb olunublar. Onların barəsində polis nəzarəti qətimkan tədbiri seçilib.
İmran Əliyevə 10, digər ictimai fəal Elgiz Qəhrəmana isə 9 il həbs cəzası kəsilib. İstintaq və məhkəmə prosesi getdiyi dövrdə azadlıqda olan E.Qəhrəman hökm oxunandan dərhal sonra məhkəmə zalında həbs edilib.
Tamella Musayevaya isə 8 il şərti cəza verilib.
Onlar cinayət yoluyla əldə olunmuş vəsaitin leqallaşdırılması, qaçaqmalçılıq və s. əməllərdə təqsirli bilinib.
Hökmdən öncə son sözünü deyən İmran Əliyev də, Elgiz Qəhrəman da bu ittihamların əsassız olduğunu vurğulayıb və bəraət istəyiblər.
Oxşar xəbərlər