Aclıq aksiyasına başlayan inanclı karserdə işgəncəyə məruz qalıb

04/05/2025 - 11:06
11 saylı cəzaçəkmə müəssisəsində ötən gün (2 may) İsrail baş nazirinin Azərbaycana məlum səfərinə etiraz edən Yusifov Alim Vahid oğlu bu səhər cəza çəkdiyi müəssisədən 7 saylı həbsxanaya göndərilib.
Bu barədə məlumatı Yusifovun yaxınları söyləyib.
Onların bildirdiyinə görə 7 saylı müəssisədə birbaşa karserə gətirilən Alimə rəhbərlik aclığı dayandırmaq göstərişi verib. İnanclı isə bu fikri rədd edib. Bundan sonra Alim Yusifovun müəssisə işçiləri tərəfindən işgəncə və zorakılığa məruz qaldığı bildirilir.
Hal-hazırda karserdə olan inanclı haqqında ailəsi hər hansı bir məlumata malik deyil.