İsrailin bütün təzyiqlərinə baxmayaraq, 100 min insan Məscidül-Əqsada namaz üçün sıralara düzüldü

İsrailin işğalı altında olan Şərqi Qüdsdəki Məscidül-Əqsada Ramazan ayının ikinci cümə gecəsində 100 min nəfərin təravih namazı qıldığı bildirilib.

Məscidül-Əqsanın idarəçiliyindən məsul olan Qüds İslam Vəqfləri İdarəsi yazılı açıqlamasında cümə axşamı işa və təravih namazlarına 100 min müsəlmanın qatıldığını bildirib.

Sionist İsrail polisi 7 oktyabr 2023-cü il tarixindən sonra fələstinlilərin Məscidül-Əqsaya daxil olmasına icazə vermədi və təxminən 5 min nəfərlik camaat həftələrlə cümə namazına gələ bildi.

İsrail polisi ilə Məscidül-Əqsaya buraxılmayan fələstinlilər arasında qarşıdurmalar da yaşanıb. İşğalçı İsrail polisi TOMA-lardan gələn gözyaşardıcı qaz və üfunətli su ilə fələstinlilərə hücum edib.