16 December 2025

Misirdən Qəzzaya yeni humanitar yardım karvanı yola düşdü

Qəzzaya humanitar yardımın yeni mərhələsi

Misirin Rəfah keçidi istiqamətində humanitar yardımlarla yüklənmiş yeni karvan hərəkətə başlayıb. Məlumata görə, humanitar yardım daşıyan 95-ci karvan Misir tərəfdən Rəfah sərhəd-keçid məntəqəsinə doğru yola salınıb və yaxın vaxtlarda Qəzza sektoruna daxil olması gözlənilir. Karvanın hərəkəti bölgədə davam edən ağır humanitar vəziyyət fonunda həyata keçirilən yardım səylərinin davamı kimi qiymətləndirilir.

Aministiya aktında kimlərin azadlığa çıxacağı gözlənilir?

Amnistiya təşəbbüsü və hüquqi prosedur

Prezident İlham Əliyevin “Konstitusiya və Suverenlik İli” münasibətilə amnistiya elan edilməsi ilə bağlı qanunvericilik təşəbbüsü ölkə gündəminin əsas mövzularından birinə çevrilib. Rəsmi məlumatlara əsasən, Milli Məclis tərəfindən qəbul ediləcəyi təqdirdə amnistiya aktı 20 mindən çox şəxsə şamil oluna bilər. Lakin hüquqşünaslar bildirirlər ki, bu rəqəm bütün bu şəxslərin azadlığa buraxılması demək deyil.

 

İŞİD Suriyadakı hücuma görə məsuliyyəti öz üzərinə götürdü

İŞİD Suriyanın İdlib kəndində əl-Colaniyə sadiq qüvvələrə hücumun məsuliyyətini öz üzərinə götürdü.

Russia Today-in məlumatına görə, İŞİD İdlib kəndində Maaret əl-Numan marşrutunda əl-Colaniyə sadiq qüvvələrə hücumun məsuliyyətini öz üzərinə götürüb. Hücum nəticəsində bu qüvvələrdən dörd nəfər həlak olub, biri yaralanıb.

Azərbaycan və Ermənistan sülh müqaviləsi imzalamağa yaxınlaşır

Azərbaycan və Ermənistan sülh müqaviləsi imzalamağa yaxınlaşır

Türkiyə Prezidenti Rəcəb Tayyib Ərdoğan Azərbaycan və Ermənistanın sülh müqaviləsi imzalamağa yaxın olduğunu açıqlayıb.

Prezident Ərdoğan Kayseridə verdiyi açıqlamada Qafqaz bölgəsində tarixi bir inkişafın astanasında olduqlarını bildirib.

Vəkil Fariz Namazlı həbsxanalardakı ölüm faktlarından yazdı

Azərbaycanda cəzaçəkmə müəssisələrində ölən və ya intihar edən məhkumların sayı ilə bağlı rəsmi və açıq statistika mövcud deyil. Ölüm hallarının hansı şəraitdə baş verdiyi ilə bağlı effektiv araşdırmaların aparılmaması, eləcə də ailə üzvləri tərəfindən edilən şikayətlərin azlığı bu sahədə cəzasızlıq mühitini daha da dərinləşdirir.

Avropa liderləri Rusiya təhdidinə qarşı Ukraynaya növbəti dəfə dəstək verəcəyinə əmin etdilər

Ukrayna Prezidenti Volodymyr Zelensky Berlində iki günlük danışıqlardan sonra ABŞ vasitəçiləri ilə irəliləyiş əldə edildiyini, Avropa liderləri isə Kiyevə gələcək Rusiya hücumuna qarşı kömək edəcəklərinə söz verdilər.

Avropa liderləri 10 ildən çoxdur davam edən təcavüz dövrəsinə son qoymaq məqsədi ilə Ukraynanı mümkün Rusiya hücumundan hərbi yolla qorumağa söz verdilər. Lakin, xüsusilə ABŞ tərəfindən təmin ediləcək zəmanətlərin necə işləyəcəyi və ərazi məsələsi ilə bağlı təfərrüatlar hələ də aydın deyil.

"Neftçi" xal itirdi

Futbol üzrə Misli Premyer Liqasında XV tura yekun vurulub.

Son oyun günündə iki görüş keçirilib.

“İmişli” “Karvan-Yevlax”la heç-heçə edib - 1:1.

“Neftçi” isə doğma meydanda “Sumqayıt”la bərabərə qalıb - 2:2.

Qonaqlar 27 xalla 4-cü, meydan sahibləri isə 17 xalla 8-ci pillədə qərarlaşıb.

İsrail Azərbaycanın ən çox investisiya yatırdığı ölkələrdəndir

Azərbaycanın investisiya göstəricilərində artım qeydə alınıb

2025-ci ilin ilk 9 ayı ərzində Azərbaycan iqtisadiyyatına cəlb olunan birbaşa xarici investisiyaların həcmi 4 milyard 736 milyon ABŞ dollarını ötüb. Bu göstərici 2024-cü ilin eyni dövrü ilə müqayisədə 213 milyon 485 min dollar və ya 4,7 faiz çoxdur.