Activities calendar

Bu gün Bakı Ağır Cinayətlər Məhkəməsində MBH üzvü Elşən Rəhimovun məhkəmə iclası baş tutub. Tanışlıq xarakteri daşıyan məhkəmə bir neçə vəsadətin təminatı ilə işə başlayıb. İlkin vəsadət olaraq Elşən Rəhimov dövlətin ona ayırdığı vəkildən imtina edib. O, vəkil olaraq onun hüquqlarının müdafiəsinin Rəsul Cəfərova həvlə olunmasını istəyib. Hakim vəsadəti təmin edib. İkinci vəsadət ittiham aktının Elşən Rəhimova verilmə tarixi ilə əlaqədar olub.

“Opta”nın araşdırmasına görə, İngiltərə klubu “Mançester Siti” 2022/2023 mövsümündə bütün turnirlərdə keçirdiyi ev oyunlarında ümumi qol sayını 100-ə çatdıran ilk komanda olub.

Operativtv.com Reporta istinadən xəbər verir ki, “şəhərlilər” ən yaxın izləyicisi olan Almaniya “Bavariya”sını düz 34 top qabaqlayır.

Premyer Liqa çempionluğunu rəsmiləşdirən Pep Qvardiolanın yetirmələri UEFA Çempionlar Liqasının və İngiltərə Kubokunun qalibi olmaq şansını da davam etdirirlər.

 İran Ali Milli Təhlükəsizlik Şurasının yeni katibini təyin edilib. İran prezidenti İbrahim Rəisi qərarı ilə bu vəzifəni Əli Əkbər Əhmədian tutacaq. Yeni katib əvvəllər İran İslam İnqilabı Keşikçiləri Korpusunun (SEPAH) Birləşmiş Qərargahının komandiri və SEPAH Hərbi Dəniz Qüvvələrinin komandirinin müavini kimi vəzifələrdə çalışıb.

Əhmədian bu vəzifəyə Əli Şamxani istefasından sonra təyin edilib. Qeyd edək ki, Şamxani 10 ilə yaxındır ki, İranda Ali Milli Təhlükəsizlik Şurasının katibi vəzifəsini icra edib.

"Facebook"un ana şirkəti "Meta" Aİ-nin məlumat qanunlarını pozduğuna görə rekord məbləğdə cərimələnib.

Operativtv.com APA-ya istinadən xəbər verir ki, bu barədə Avropa İttifaqı adından fəaliyyət göstərən İrlandiya Məlumatların Mühafizəsi Komissiyası (DPC) məlumat yayıb.

Bildirilib ki, “Facebook”un sahibi "Meta" əvvəlki məhkəmə qərarını pozaraq Aİ-nin istifadəçi məlumatlarını ABŞ-a ötürdüyünə görə 1,2 milyard avro (1,3 milyard dollar) cərimələnib.

Operativtv.com Turan-a istinadən xəbər verir ki, bu gün Qaradağ Rayon Məhkəməsində azad edilməsi tələbi ilə 105 gündür aclıq edən Xalq Cəbhəsi Partiyasının Salyan rayon təşkilatının sədri Zamin Salayevin işi üzrə proses başa çatıb.

Prokuror onun 4,5 il müddətinə azadlıqdan məhrum edilməsini istəyib. Məhkəmə ona 4 il həbs cəzası verib.

İclas zamanı Salayevin vəziyyəti pisləşib və ona təcili yardım çağırılıb.

Livanın Hizbullah Hərəkatı İcraiyyə Şurasının sədri çıxışında Suriyanın Ərəb Liqasına qayıtmasını yüksək qiymətləndirib və bu ölkə prezidentinin Ciddədə olmasını və ərəb liderlərinin toplantısında iştirakını Dəməşqə qarşı siyasətçilərin iddialarının sonu kimi qiymətləndirib.

Digər tərəfdən, bəzi məlumatlı mənbələr Suriya prezidenti ilə Livan baş nazirinin Ərəb Sammiti çərçivəsində ilk dəfə görüşdüyünü açıqlayıb.

Operativtv.com Amerikanın Səsinə istinadən xəbər verir ki, BMT-nin Baş katibi Antonio Quterres deyib ki, “bugünkü dünyanın reallıqları” ilə uyğunlaşmaq üçün həm Təhlükəsizlik Şurasında, həm də Bretton Vudsda islahatların vaxtı çatıb.

Yeddilik Qrupu zirvə toplantısının keçirildiyi Yaponiyanın Hiroşima şəhərində mətbuat konfransında danışan Quterreş hər iki qurumun 1945-ci ildəki güc əlaqələrini əks etdirdiyini və yenilənməyə ehtiyac olduğunu bildirib.