15 August 2026

London Netanyahuya reaksiya verdi: "Britaniya İslam Respublikası" ifadəsi qəbuledilməzdir

Britaniya hökuməti İsrail Baş naziri Benyamin Netanyahunun ölkəni "Britaniya İslam Respublikası" adlandırmasına reaksiya verərək, açıqlamanı "tamamilə qəbuledilməz" adlandırıb.

Məlumata görə, Britaniya hökuməti İsrail Baş naziri Benyamin Netanyahunun "Britaniya İslam Respublikası" ifadəsini işlətməsinə reaksiya verib. Hökumət sözçüsü açıqlamanı "tamamilə qəbuledilməz" adlandırıb və məsələnin İsrail hökuməti qarşısında qaldırıldığını bildirib.

İraq qonşu ölkələr üçün raket atış bazası olmayacaq

İraqın Baş naziri Əli Zeydi vurğulayıb ki, İraq ərazisi və hava məkanı heç vaxt qonşu ölkələrə qarşı heç bir hücum üçün başlanğıc nöqtəsi olmağa icazə verilməyəcək.

İraqın Baş naziri və Silahlı Qüvvələrin Baş Komandanı Əli Zeydi hava hücumundan müdafiə komandanlıq mərkəzini ziyarət edib.

Zeydi orada verdiyi açıqlamada hava hücumundan müdafiə sistemini "İraq səmasının qalxanı və suverenliyin ilk müdafiə xətti" adlandırıb.

Husilər Səudiyyə Ərəbistanının Yəməndəki qüvvələrinə raket zərbəsi endiriblər

Yəmənin “Ənsar Allah” hərəkatının husiləri Moça şəhəri yaxınlığında Səudiyyə Ərəbistanının rəhbərlik etdiyi koalisiya qüvvələrinə ballistik raketlə hücum ediblər.

Bu barədə husi hərbi birləşmələrinin sözçüsü Yəhya Səriyə məlumat verib.

"Yəmən silahlı qüvvələri çoxlu sayda ballistik raketdən istifadə edərək Moça yaxınlığında Səudiyyə Ərəbistanının qoşun cəmləşmələrinə və silahlarına, eləcə də muzdlu gəmilərinə hücum edə biliblər", - husilərin sözçüsü deyib.

Hörmüzü ələ keçirmək mümkün deyil – İran rəsmisi Trampa

ABŞ prezidenti Donald Trampın təhdidlərinə baxmayaraq, Hörmüz boğazı İranın nəzarəti altında olub və qalacaq.

Bunu X hesabında İran xarici işlər nazirinin müavini Kazem Qəribabadi qeyd edib: "Hörmüz boğazı İrana məxsus idi, var və qalacaq. Gəmilərin oradan keçməsinə icazə verib-verməməsinə İran özü qərar verir. Sosial mediada paylaşım etməklə, təyyarədaşıyan gəmi göndərməklə, əmr verməklə və ya seçkiqabağı çıxış etməklə Hörmüzü ələ keçirmək mümkün deyil".

“Amnesty International” İlham Əliyevdən “Meydan TV işi” üzrə həbsdə olan 12 nəfərin azadlığa buraxılması tələb edib

“Amnesty International” “Meydan TV işi” üzrə həbsdə olan 12 nəfərin azadlığa buraxılması tələbi ilə Azərbaycan Prezidenti İlham Əliyevə petisiya ünvanlayıb.

Petisiyada Aynur Elgünəş, Aytac Tapdıq, Xəyalə Ağayeva, Aysel Umudova, Ramin Deko, Natiq Cavadlı, Şəmşad Ağa, Nurlan Libre, Fatimə Mövlamlı, Ülviyyə Əli, Əhməd Muxtar və Ülvi Tahirovun adları çəkilir.

Türkiyə Rusiyadan neft alışını azaldıb

Qara dənizdəki liman infrastrukturuna dron hücumlarından sonra Türkiyə iyul ayında Rusiyadan neft alışını azaldıb. Daşınmaların azalmasının avqust ayında da davam edəcəyi gözlənilir və Türkiyə alternativ təchizatçılara üz tutur.

Türkiyə iyul ayında Qara dəniz limanlarından Rusiya neft alışını azaldıb və azalmanın avqust ayında da davam edəcəyi gözlənilir.

Səudiyyə Ərəbistanı Misirin Məkkə Paktına qoşulmasının qarşısını niyə aldı?

Ankaranın Qahirəni də daxil etmək səylərinə baxmayaraq, Ər-Riyad Misirin Türkiyə və Pakistanla yaradılan yeni müdafiə paktına qoşulmasını istəmir.

Danışıqlarla tanış olan üç Səudiyyə mənbəsi Middle East Eye-yə bildirib ki, Ankaranın Qahirənin paktda yer alması ilə bağlı israrına baxmayaraq, Səudiyyə Ərəbistanı Misirin ötən həftə Türkiyə və Pakistanla imzalanan təhlükəsizlik paktında iştirakına qarşı çıxıb.

Türkiyə Super Liqası: “Galatasaray” mövsümə xal itkisi ilə başlayıb

Türkiyə Super Liqasında I tura start verilib.

İlk oyun günündə son çempion meydana çıxıb.

"Qalatasaray" "Çorum"la qarşılaşıb. Matçda hesabı "sarı-qırmızılılar" açıb. Viktor Osimhen fərqlənib.

İkinci hissədə qonaqlar ardıcıl iki qol vurublar. Öncə Xesus Ramirez hesabı bərabərləşdirib. Çox keçmədən Fredi komandasını önə keçirib. Matçın son dəqiqələrində Osimhen "Qalatasaray"a 1 xal qazandıran qolu vurub - 2:2.

Həyat yoldaşı: "Ələsgər Məmmədli iki gündür qida qəbul edə bilmir, boğulma halları davam edir"

"Toplum TV"-nin həbsdə olan həmtəsisçisi, media eksperti Ələsgər Məmmədli səhhətində problemlər yaşamağa davam edir.

Həyat yoldaşı Günay Məmmədlinin yaydığı məlumata görə, Ə.Məmmədli avqustun 13-də zəng edərək iki gündür qida qəbul edə bilmədiyini, baş ağrıları, yüksək ürək döyüntüləri, boğulma hallarının isə davam etdiyini deyib.

Onun sözlərinə görə, həmin gün ürək müayinəsi üçün yanına həkim gəlib.