İsrail ordusu Livandakı Bofor qalasını ələ keçirdiyini iddia edir.
Reuters və Associated Press agentliklərinin yaydığı məlumata görə, İsrail qüvvələri Livanın cənubunda, Nəbatiyyə şəhəri yaxınlığında yerləşən Bofor qalasını ələ keçirib.
Geosiyasi qeyri-müəyyənlik və ABŞ dövlət borcunun artması fonunda dünyanın ən varlı ailələri Amerika dollarına yatırımlarını azaldır. Ailə ofislərinin böyük hissəsi yaxın bir ildə dolların dünya ehtiyat valyutası kimi mövqeyinə etimadın zəifləyəcəyini gözləyir.
Bu barədə “Reuters” agentliyi İsveçrənin UBS bankının araşdırmasına istinadən məlumat yayıb.
Livanın “Hizbullah” hərəkatı aprelin 17-də qüvvəyə minmiş atəşkəsdən sonra ilk dəfə İsrailin şimalını raket atəşinə tutub.
"Naharnet" portalının məlumatına görə, təşkilat İsrail ərazisinə ən azı 100 raket və pilotsuz uçuş aparatı buraxıb.
Raketlərin əksəriyyəti “Dəmir Qübbə” hava hücumundan müdafiə sistemi tərəfindən zərərsizləşdirilib. Hava həyəcanı siqnalları 60 yaşayış məntəqəsində səslənib.
"Arsenal" mayın 30-da UEFA Çempionlar Liqasının finalında PSJ-yə məğlub olduğu (1:1, penaltilər seriyasında - 3:4) matçda antirekorda imza atıb.
Bu barədə "OptaJoe" portalı məlumat yayıb.
Bildirilib ki, "topçular" qarşılaşmada topa sahibolma faizində cəmi 24.7% göstərici nümayiş etdiriblər. Bu isə statistikanın aparılmağa başlandığı 2003/04 mövsümündən bəri UEFA Çempionlar Liqasının finallarında qeydə alınmış ən aşağı göstəricidir.
Qəzza zolağında İsrail ordusunun davam edən hücumları nəticəsində daha bir neçə nəfər həyatını itirib və yaralanıb. Yerli mənbələrin məlumatına görə, Deyr əl-Bələh bölgəsində polis məntəqəsinə təşkil edilən hücum zamanı Yafa xəstəxanasının anesteziya şöbəsinin rəhbəri Camal Əbu Aun şəhid olub.
UEFA Çempionlar Liqasının finalında PSG-nin “Arsenal”ı penaltilər seriyasında məğlub etməsindən sonra Fransanın müxtəlif şəhərlərində kütləvi iğtişaşlar baş verib.
Sky News-un məlumatına görə, hadisələr zamanı yüzlərlə şəxs polis tərəfindən saxlanılıb.
“Azadlıq Radiosu”nun jurnalisti və iqtisadçı Fərid Mehralızadənin həbsindən iki il ötür. O, 2024-cü il mayın 30-da “Abzas Media işi” üzrə aparılan istintaq çərçivəsində həbs olunub və sonradan 9 il müddətinə azadlıqdan məhrum edilib.
Həbsinin ikinci ildönümündə Fərid Mehralızadə dəmir barmaqlıqlar arxasındakı həyatdan, həbsxana iqtisadiyyatının insani tərəflərindən və indiyədək çox az gördüyü qızı ilə süni intellekt vasitəsilə yaradılmış şəklinin onda doğurduğu hisslərdən bəhs edir.
Azərbaycanda hakimiyyətin hər vəchlə etirazına baxmayaraq, ölkənin siyasi məhbus problemi var və hər ötən il bu sistem daha sərt mexanizmlərlə həbs və işgəncələri davam etdirir. Hüquq təşkilatlarının və beynəlxalq institutların illik hesabatlarında əsaslandırılmış rəqəmlər, öz etiraflarına əsasən, həqiqi siyasi məhbusların ölkə üzrə sayını qat-qat az göstərmək məcburiyyətində qalsa da, hazırda qeyd edilən rəqəmlər də problemin yetərincə ciddi olduğunu söyləməyə əsas verir.
