Suriya şiə alimləri Ayətullah Sistaniyə başsağlığı verib

Suriya Əhli-beyt (ə) Müsəlmanları Ümumi İslam Heyəti Ayətullah Seyid Əli Sistaninin həyat yoldaşının vəfatı münasibətilə başsağlığı bəyanatı yayıb.

Bəyanatda deyilir:

“Bağışlayan və Mehriban Allahın adı ilə

“Ey arxayın (xatircəm) nəfs! Rəbbinə dön, sən Ondan razı, O da səndən razı olaraq! Beləliklə, Mənim bəndələrimin (xalis olanların) sırasına daxil ol və Cənnətimə gir!” (Fəcr surəsi, 27–30)

Həzrət Ayətullahul-uzma Seyid Əli Sistani – uzun ömürlü olsun. Salam olsun sizə, Allahın rəhməti və bərəkəti ilə. Biz Sizə səmimi başsağlığı verir və həyat yoldaşınızın vəfatı münasibətilə dərin hüznlə paylaşırıq.

Uca Allahdan Sizə və ailənizin möhtərəm üzvlərinə səbir, dözüm və böyük mükafat diləyirik. Allahdan mərhuməni Öz geniş rəhmətinə qərq etməsini, Onun yanında ən uca dərəcələrə yüksəltməsini və Həzrət Mühəmməd (s) və pak Əhli-beyti ilə birləşdirməsini diləyirik.

“Heç bir qüvvə yoxdur, yalnız Allahın qüdrəti ilə.” Biz Allahdan gəldik və Ona dönəcəyik.

Əhli-beyt (ə) ardıcılları adından Dr. Seyid Əbu Nizam”