Activities calendar

Ölkədə ilk olan lövhə şəhər girişində, katolik və protestant kilsələrinin ibadət vaxtı lövhələrinin altında yerləşirdi və cümə namazının vaxtlarını göstərirdi.

Almaniyanın Bavariya əyalətindəki Penzberqin girişində yerləşən namaz vaxtı lövhəsi, asıldıqdan cəmi dörd gün sonra vandalizm hədəfinə çevrilib.

DW Turkish-in məlumatına görə, hücum edənlər lövhəni sprey boya ilə tamamilə qara rəngə boyayıblar.

İranın Azərbaycandakı səfiri Azərbaycanlı investorların kənd təsərrüfatı sahəsinə marağına toxunaraq, dəmir yolu yük terminalını tərəflər arasında tranzit və iqtisadi əməkdaşlıq üçün zəruri sayıb və onun yaradılması istiqamətində iş aparıldığını bildirib.

İranın Bakıdakı səfiri Müctəba Dəmirçilu Ərdəbilin valisi Məsud İmami Yegane ilə görüşündə hər iki ölkə investorlarının müxtəlif sahələrə, xüsusilə kənd təsərrüfatına sərmayə yatırmağa maraqlı olduğunu bildirib.

Liviyanın Baş Müftisi Şeyx Sadiq əl-Qaryani bildirib ki, İordaniya ərazisinə raket hücumlarında Amerika əsgərlərinin ölümü İordaniya hökumətinin öz ərazisində Amerika hərbi bazalarının olmaması ilə bağlı “yalanlarını və aldatmacalarını” üzə çıxarıb.

Müftinin bu sözləri İranın İordaniya ərazilərini hədəf alan və Amerika qüvvələri arasında itki və yaralanmalara səbəb olan son raket hücumlarını qiymətləndirərkən səslənib.

Avropa Cüdo Birliyi (EJU) və Azərbaycan Cüdo Federasiyasının birgə təşkilatçılığı ilə Abşeron Olimpiya İdman Kompleksində keçirilən yarışda 10 ölkədən 81 klubun 289 yeniyetmə cüdoçusu mübarizə aparır.

İki gün davam edəcək turnirdə Azərbaycan, Almaniya, Macarıstan, İsrail, Rumıniya, Rusiya, Səudiyyə Ərəbistanı, Tacikistan, Türkiyə və Ukraynanı təmsil edən idmançılar U-14 və U-16 yaş kateqoriyalarında tatamiyə çıxırlar. Yarış iştirakçılarının 245-i oğlan, 44-ü isə qız cüdoçudur.

Qəzzani günahsız insanların cəhənnəminə çevirən İsrail ordusu növbəti dəfə Qəzza zolağına zərbələr endirib.

Bu barədə İsrail Müdafiə Qüvvələrinin mətbuat xidməti məlumat yayıb.

İsrail həmişəki iddiası ilə ilə bu dəfə də hücumlarında HƏMAS-a məxsus hərbi obyektlərini, o cümlədən silah anbarlarını, silah emalatxanalarını və yeraltı obyektləri hədəf aldığı bildirib.

Ermənistan Politoloqlar Assosiasiyasının rəhbəri Miqran Şahzadeyan Zəngəzur dəhlizinin ölkə üçün ciddi geosiyasi və təhlükəsizlik riskləri yarada biləcəyini bildirib.

Şahzadeyanın sözlərinə görə, Zəngəzur dəhlizi layihəsinin həyata keçirilməsi nəticəsində Ermənistan təkcə İranla əlaqələrindən məhrum olmaq təhlükəsi ilə üzləşməyəcək. Onun fikrincə, ölkə eyni zamanda demək olar ki, Rusiyadan da təcrid oluna və İran hərbçilərinin potensial hədəfinə çevrilə bilər.

Yəmənin silahlı qüvvələri Səudiyyə Ərəbistanının həyata keçirdiyi hücuma cavab olaraq Cizan bölgəsində yerləşən strateji obyektlərə zərbələr endirdiyini açıqlayıb.

Bu barədə Yəmən mətbuatı məlumat yayıb.

Bildirilib ki, zərbələr nəticəsində bir sıra obyektlərdə yanğın baş verib. Sosial şəbəkələrdə yayılan görüntülərdə ARAMCO-nun neft emalı zavodu olduğu iddia edilən ərazi üzərində sıx tüstü buludlarının yüksəldiyi əks olunub.