14 June 2026

Livanda İsrailin hücumları nəticəsində ölənlərin sayı artıb

Livanda İsrailin aviazərbələri nəticəsində ölənlərin sayı 3 756-ya yüksəlib, 11 632 nəfər xəsarət alıb.

Bu barədə Livan Səhiyyə Nazirliyinin "X" sosial şəbəkə hesabında məlumat yayılıb.

Qurumun məlumatına görə, İsrail Hərbi Hava Qüvvələri Livanın cənubunda və şərqində "Hizbullah"ın obyektlərinin yerləşdiyi yaşayış məntəqələrinə hücumları davam etdirir.

İqtisadçı: “Faktiki olaraq inflyasiya maaş artımının 90 faizdən çoxunu udur”

Rəsmi məlumatlara görə, Azərbaycanda bu ilin yanvar-aprel aylarında orta aylıq nominal əməkhaqqı 1 172,1 manat olub. Bu, ötən ilin eyni dövrü ilə müqayisədə 6,5 faiz artım deməkdir. Dövlət Statistika Komitəsinin məlumatına əsasən, 2026-cı ilin ilk beş ayında orta illik inflyasiya isə 5,6 faiz təşkil edib. Bəs əməkhaqqındakı artım mövcud inflyasiya şəraitində əhalinin rifahına necə təsir göstərir?

Türkiyə millisi dünya çempionatına məğlubiyyətlə başladı

ABŞ, Kanada və Meksikanın ev sahibliyi etdiyi futbol üzrə dünya çempionatında daha iki oyun keçirilib.

C qrupunda Şotlandiya millisi Haitini 1:0 hesabı ilə məğlub edərək mundiala qələbə ilə başlayıb.

D qrupunda yer alan Türkiyə yığması isə Avstraliya seçməsi ilə qarşılaşıb. Görüş "ay-ulduzlular"ın 0:2 hesablı məğlubiyyəti ilə başa çatıb.

KİV: ABŞ-İran sazişi Netanyahu üçün strateji zərbə ola bilər

ABŞ və İran arasında mümkün yekun razılaşmanın imzalanması İsrailin Baş naziri Benyamin Netanyahu üçün ciddi siyasi və strateji zərbə ola bilər.

Bu barədə "Axios" portalı mənbələrə istinadən məlumat yayıb.

Məlumata görə, İsrail rəsmiləri sazişin yekun nəticə verəcəyinə skeptik yanaşırlar. Mənbələrdən biri bildirib ki, Netanyahu razılaşmanın qaçılmaz olduğunu anlayıb və onun qarşısını ala bilməyəcəyini dərk edib.

İllüziya, yoxsa həqiqət?

Son həftənin media mənzərəsinə nəzər saldıqda ortaya çıxan tablo sözün həqiqi mənasında narahatedicidir. Hadisələrin ardıcıllığına baxdıqca hüquqi müstəvidə belə ümidlərin necə sürətlə tükəndiyini görmək olur. Beynəlxalq təşkilatlar Azərbaycanda insan hüquqları, həbslər, təzyiqlər və işgəncə iddiaları ilə bağlı ardıcıl narahatlıqlarını ifadə etdikləri halda, ölkə daxilində baş verənlər bu xəbərdarlıqların təsadüfi olmadığını düşündürür.