Activities calendar

İsrail ordusu çərşənbə günü Cənubi Livanın müxtəlif bölgələrinə genişmiqyaslı hava hücumları həyata keçirib. Hücumların əsas hissəsi Sur qəzasına daxil olan yaşayış məntəqələrini hədəf alıb.

Məlumata görə, zərbələr nəticəsində azı 11 nəfər şəhid olub, çoxsaylı yaralıların olduğu bildirilir.

Livanın Sayda şəhərində pilotsuz uçuş aparatı ilə həyata keçirilən hücum zamanı bir avtomobil vurulub. Məlumata əsasən, hadisə nəticəsində bir nəfər şəhid olub.

AXCP sədri Əli Kərimlinin həbs-qətimkan tədbirinin müddəti uzadılıb. Bununla bağlı iyunun 10-da Səbail Rayon Məhkəməsində müvafiq qərar qəbul edilib.

Məhkəmənin qərarına əsasən, Əli Kərimli barəsində seçilmiş həbs-qətimkan tədbirinin müddəti daha 5 ay, yəni noyabrın 13-dək uzadılıb.

Naxçıvan Beynəlxalq Hava Limanının vəzifəli şəxslərinə qarşı cinayət işi açıldığı, bilet satışından məsul olan 4 əməkdaşın isə saxlanıldığı bildirilir.

"Gündəlik Naxçıvan"ın hava limanında çalışan mənbəyə istinadən verdiyi məlumata görə, buna səbəb saxlanılan şəxslərin prezidentin köməkçisi Anar Ələkbərovun xalasına Naxçıvan–Bakı reysi üçün 60 manatlıq bileti 200 manata satması olub.

Avstriyada təlim-məşq toplanışında olan Azərbaycan milli komandası bu gün ikinci yoldaşlıq oyununu keçirib.

Ayxan Abbasovun baş məşqçi olduğu kollektiv San Marino yığması ilə qarşılaşıb.

Macarıstanın Sombatxey şəhərində yerləşən "Haladaş" stadionunda baş tutan görüşdə millimiz 2:1 hesablı qələbə qazanıb.

Millinin heyətində qolları Rəhman Daşdəmirov (27) və Renat Dadaşov (49) vurublar.

Rusiya bazarında halal ətə olan tələbatla bağlı araşdırma aparılıb.

Nəticədə ortaya maraqlı bir fakt çıxıb.

Belə ki, rusiyalı istehlakçıların təxminən yarısı halal nişanlı ət məhsulları alır, çünki onlar məhsulları yüksək keyfiyyətli və faydalı, həmçinin dadlı hesab edirlər.