Operativtv.com Amerikanın Səsinə istinadən xəbər verir ki, may ayının əvvəlinə Avropa İnsan Haqları Məhkəməsində (AİHM) Azərbaycandan göndərilən 2 min 100 şikayət baxılmasını gözləyir.
Hüquqşünas Xalid Ağaliyev Amerikanın Səsinə deyib ki, bu göstərici AİHM-də baxılmasını gözləyən şikayətlərin 2,7 faizini təşkil edir.
“2022-ci ilin sonunda Azərbaycandan göndərilmiş 2150 şikayət qərar verilməsini gözləyirdi. AİHM son 4 ayda (yanvar-aprel) Azərbaycandan göndərilmiş 140-dan artıq şikayət üzrə yekun qərar və qərardadını elan edib”, o qeyd edib.
AİHM-də ümumilikdə 76 min 700 şikayət qərar verilməsini gözləyir. 2022-ci ilin sonunda belə şikayətlərin sayı 74 min 650 olub.
“AİHM-də baxılmasını gözləyən şikayətlərin 23 min 250-si Türkiyədən göndərilib (2022-ci ilin sonunda 20 min 100). Bu göstərici qərar gözləyən şikayətlərin 30,3 faizinə bərabərdir. 2-ci sırada 15 min 700 şikayətlə Rusiya, 3-cü sırada isə 9 min 950 şikayətlə Ukraynanın adı gəlir.
Rumıniyadan göndərilmiş 4650, İtaliyadan 3750, Polşadan 2500, Yunanıstandan 2400 şikayət qərar verilməsini gözləyir. Azərbaycan sıralamada 8-cidir. 9-cu sıradakı Belçikadan 2000, onuncu sıradakı Serbiyadan isə 1900 şikayət qərar ərəfəsindədir.
Avropa Şurası məkanına daxil olan yerdə qalan 37 ölkədən göndərilmiş, qərar verilməsini gözləyən şikayətlərin ümumi sayı isə 8500-dür. Bu göstərici AİHM qarşısında baxılmasını gözləyən şikayətlərin hamısının 11,1 faizini təşkil edir.
Ümumilikdə AİHM-ə şikayətlərin sayında artım tempi müşahidə olunur. 2022-ci il ərzində məhkəməyə ümumilikdə 15 min 650 şikayət baxılmağa qəbul edilib. 2023-cü ilin 4 ayında bu göstərici 13 min 550 şikayət təşkil edib. 2022-ci ildə hökumətlərlə ümumilikdə 1732 şikayət kommunikasiya edilmişdisə, son 4 ayda bu göstərici 5 mindən artıq olub”, o qeyd edib.
Barələrində qərar verilmiş şikayətlərin sayında da artım var, 2022-ci ildə cəmi 12 min 474 şikayət üzrə qərar verilmişdi, 2023-cü ilin 4 ayında bu göstərici 10 min 413 olub.
2022-ci il ərzində 11 min 652 ərizə barəsində siyahıdan çıxarma və ya qəbuledilməzliklə bağlı qərardad qəbul edilmişdisə, 2023-cü ilin 4 ayında 8 min 521 ərizə qəbuledilməz sayılıb və ya baxılacaq işlərin siyahısından xaric edilib.
Azərbaycandan Avropa Məhkəməsinə göndərilən iki min yüz şikayət baxılmasını gözləyir
Operativtv.com Amerikanın Səsinə istinadən xəbər verir ki, may ayının əvvəlinə Avropa İnsan Haqları Məhkəməsində (AİHM) Azərbaycandan göndərilən 2 min 100 şikayət baxılmasını gözləyir.
Hüquqşünas Xalid Ağaliyev Amerikanın Səsinə deyib ki, bu göstərici AİHM-də baxılmasını gözləyən şikayətlərin 2,7 faizini təşkil edir.
“2022-ci ilin sonunda Azərbaycandan göndərilmiş 2150 şikayət qərar verilməsini gözləyirdi. AİHM son 4 ayda (yanvar-aprel) Azərbaycandan göndərilmiş 140-dan artıq şikayət üzrə yekun qərar və qərardadını elan edib”, o qeyd edib.
AİHM-də ümumilikdə 76 min 700 şikayət qərar verilməsini gözləyir. 2022-ci ilin sonunda belə şikayətlərin sayı 74 min 650 olub.
“AİHM-də baxılmasını gözləyən şikayətlərin 23 min 250-si Türkiyədən göndərilib (2022-ci ilin sonunda 20 min 100). Bu göstərici qərar gözləyən şikayətlərin 30,3 faizinə bərabərdir. 2-ci sırada 15 min 700 şikayətlə Rusiya, 3-cü sırada isə 9 min 950 şikayətlə Ukraynanın adı gəlir.
Rumıniyadan göndərilmiş 4650, İtaliyadan 3750, Polşadan 2500, Yunanıstandan 2400 şikayət qərar verilməsini gözləyir. Azərbaycan sıralamada 8-cidir. 9-cu sıradakı Belçikadan 2000, onuncu sıradakı Serbiyadan isə 1900 şikayət qərar ərəfəsindədir.
Avropa Şurası məkanına daxil olan yerdə qalan 37 ölkədən göndərilmiş, qərar verilməsini gözləyən şikayətlərin ümumi sayı isə 8500-dür. Bu göstərici AİHM qarşısında baxılmasını gözləyən şikayətlərin hamısının 11,1 faizini təşkil edir.
Ümumilikdə AİHM-ə şikayətlərin sayında artım tempi müşahidə olunur. 2022-ci il ərzində məhkəməyə ümumilikdə 15 min 650 şikayət baxılmağa qəbul edilib. 2023-cü ilin 4 ayında bu göstərici 13 min 550 şikayət təşkil edib. 2022-ci ildə hökumətlərlə ümumilikdə 1732 şikayət kommunikasiya edilmişdisə, son 4 ayda bu göstərici 5 mindən artıq olub”, o qeyd edib.
Barələrində qərar verilmiş şikayətlərin sayında da artım var, 2022-ci ildə cəmi 12 min 474 şikayət üzrə qərar verilmişdi, 2023-cü ilin 4 ayında bu göstərici 10 min 413 olub.
2022-ci il ərzində 11 min 652 ərizə barəsində siyahıdan çıxarma və ya qəbuledilməzliklə bağlı qərardad qəbul edilmişdisə, 2023-cü ilin 4 ayında 8 min 521 ərizə qəbuledilməz sayılıb və ya baxılacaq işlərin siyahısından xaric edilib.