İranın İsrailə zərbələri nəticəsində yaralananların sayı 44-ə çatıb

İran səhər saatlarında İsrailə 20-yə yaxın raketlə hücum həyata keçirib.

Bu barədə İran mətbuatı məlumat yayıb.

Hücum nəticəsində bir sıra yaşayış binalarına, o cümlədən obyektlərə ciddi ziyan dəyib.

Raketlərdən biri İsrailin Beer Şeva şəhərindəki Soroka xəstəxanasına düşüb. Bu barədə İsrail mətbuatı məlumat dərc edib.

Bildirilir ki, hücum nəticəsində ən azı 10 nəfər yaralanıb, xəstəxana yararsız hala düşüb. İnsanlar təxliyə olunur.

Ümumilikdə ötən gün İranın İsrailə raket zərbələri nəticəsində yaralananların sayı 44-ə çatıb, 3-nün vəziyyəti ağırdır.