11 October 2026

İsrail Türkiyəni təhdid edərək Ankarada olan HƏMAS liderini ölümlə hədələdi

İsrailin müdafiə naziri İsrail Kats hazırda Türkiyədə olan HƏMAS-ın siyasi qanadının rəhbəri Xəlil əl-Həyyanı öldürməklə hədələyib.

Kats həmçinin Türkiyə prezidenti Rəcəb Tayyib Ərdoğanı HƏMAS-a dəstək verməkdə ittiham edərək Ankaranın bu hərəkatın öz ərazisində sərbəst fəaliyyət göstərməsinə şərait yaratdığını iddia edib.

Əfqanıstan-Pakistan sərhədində hərbçilər arasında silahlı toqquşma

Əfqanıstan və Pakistan arasında hərbi toqquşma baş verib.

Bu barədə Əfqanıstan Ordusundakı mənbə məlumat yayıb.

Qeyd edilib ki, hərbçilər arasındakı silahlı insident mübahisəli sərhəd bölgəsi olan Dand-Patanda qeydə alınıb.

Bildirilib ki, ilk atəş Pakistan əsgərləri tərəfindən atılıb və bundan sonra cavab addımları atılıb. Əfqanıstan tərəfi itki vermədiyini açıqlayıb. Toqquşma artıq başa çatıb.

Bəhreyn hökuməti 60 şiə din xadimini həbs edib

Bəhreynin "Əl-Vifaq" Milli İslam Cəmiyyəti dərc etdiyi hesabatda ölkədə 60 şiə din xadiminin həbsi və bu işlərlə bağlı hüquq pozuntuları barədə ətraflı məlumat verib.

"Əl-Vifaq" Milli İslam Cəmiyyəti, təşkilatın Baş katibinin müavini Şeyx Hüseyn əl-Daihi tərəfindən yayımlanan "Məhdudiyyətlərdən kənarda" adlı hesabat vasitəsilə Bəhreyndə saxlanılan din xadimləri məsələsini ictimaiyyətin diqqətinə çatdırıb.

Pakistanda İmran Xanın partiyasının idarə etdiyi əyalətdə fövqəladə vəziyyət elan olunub

Pakistan Prezidenti Asif Əli Zərdari ölkənin şimal-qərbində yerləşən Xayber-Paxtunxva əyalətində fövqəladə vəziyyət elan edib.

“Reuters“xəbər verir ki, qərar nəticəsində həbsdə olan keçmiş Baş nazir İmran Xanın partiyasının rəhbərlik etdiyi əyalət hökumətinin səlahiyyətləri dayandırılıb.

Qərar Baş nazir Şahbaz Şərifin rəhbərlik etdiyi federal hökumətin tövsiyəsi əsasında qəbul olunub.

Mehman Qarayev azadlığa buraxılıb

MBH ailəsinin üzvü Mehman Qarayev azadlığa buraxılıb. Oktyabrın 10-da o, həbs müddətini bitirərək 17 saylı cəzaçəkmə müəsisəsini tərk edib.

Qarayev Mehman Əlzami oğlu 2023-cü il aprelin 11-də saxlanılmışdı. İnanclıların kütləvi həbslərinin gerçəkləşdiyi ortamda M, Qarayev də narkotiklərlə bağlı ittiham edilmişdi. Bakı Ağır Cinayətlər məhkəməsi 2024-cü ilin 3 mayında onu bu saxta ittihamla müqəssir bilərək 4 il müddətinə azadlıqdan məhrum etmişdi.

İlham Əliyev və Məsud Pezeşkian arasında görüş keçirilib

Oktyabrın 9-da Türkmənistanın Türkmənbaşı şəhərində Azərbaycan prezidenti İlham Əliyev ilə İran prezidenti Məsud Pezeşkian arasında görüş keçirilib.

Söhbət zamanı liderlərin əvvəlki görüşləri və telefon danışıqları məmnunluqla xatırlanıb, həmçinin Azərbaycan nümayəndə heyətinin yaxın vaxtlarda İrana etdiyi səfər və aparılan müzakirələr yüksək qiymətləndirilib.

Cüdo üzrə dünya çempionatında Azərbaycan millisi Avstriyaya qalib gəldi

Bakıda keçirilən cüdo üzrə böyüklər arasında dünya çempionatının son günündə Azərbaycan yığması qarışıq komanda yarışında Avstriya millisi ilə qarşılaşıb.

Rəqibi ilə 1/16 finalnda üz-üzə gələn yığmamız 4:0 hesablı qələbəyə sevinərək növbəti mərhələyə adlayıb.

Komandanın 1/8 finaldakı rəqibi Yaponiya seçməsi olacaq.

İtaliyanın 50 şəhərində Fələstinə dəstək nümayişləri keçirilib

Avropanın mərkəzindəki küçələr bir daha Fələstin şüarları ilə sarsılıb. Yağışlı havaya baxmayaraq, minlərlə nümayişçi hökumətlərin susqunluğuna etiraz etmək üçün meydanlara axışıb; eyni zamanda, paytaxt Romadan tutmuş Milan, Neapol və Turinə qədər bir çox şəhərdə gündəlik həyat iflic olub. Avropanın mövqeyinə qarşı yaranan çaşqınlıq və artan qəzəb fonunda fəallar artıq 30 oktyabrda ümumi tətil keçirilməsi çağırışı ediblər.

Səudiyyə Ərəbistanında hava limanına raket hücumu nəticəsində 12 nəfər ölüb, 309 nəfər yaralanıb

Səudiyyə Ərəbistanının paytaxtı ər-Riyaddakı Kral Xalid Beynəlxalq Hava Limanına raket hücumu nəticəsində 12 nəfər ölüb, 309 nəfər yaralanıb.

Məlumata görə, husilərin atdığı raket hava limanının 3 saylı terminalının yaxınlığına düşüb.

Daha bir mərmi isə ölkənin şərqində yerləşən Dammam şəhərindəki hava limanının yaxınlığına düşüb.