İsrail rejiminə silah aparan Səudiyyə Ərəbistanı gəmisi İtaliyanın Genuya limanında işçilər tərəfindən mühasirəyə alınıb.
Genuya limanının işçiləri Səudiyyə Ərəbistanına məxsus “Yanbu” adlı gəminin İsrail rejiminə məxsus hərbi texnika daşıdığını aşkar edərək, gəminin keçməsinə mane olublar.
Gimnastikanın tamlinq növü üzrə Azərbaycan millisinin üzvü Tofiq Əliyev Çinin Çendu şəhərində keçirilən Dünya Oyunlarında fəxri kürsüyə qalxıb.
Tofiq Əliyev 30.500 xal toplayaraq gümüş medal qazanıb.
Birinci yeri ABŞ-dan olan Keyden Braun tutub. Britaniyalı Fred Tiqa isə bürünc mükafata sahib çıxıb.
İsrail mediası sionist rejimin Kanal 13 televiziyasının məşhur proqramlarından birinin canlı yayımı zamanı bir qrup sionist etirazçının kanalın studiyalarına basqın edərək Qəzzada müharibənin dərhal dayandırılmasını tələb etdiyini bildirib.
İsrailin Qəzza zolağında həyata keçirdiyi əməliyyatlar nəticəsində son 24 saat ərzində azı 61 nəfər həlak olub, 363 nəfər yaralanıb.
Bu barədə Fələstin anklavının Səhiyyə Nazirliyi öz Telegram kanalında məlumat yayıb.
“Son 24 saat ərzində Qəzza zolağındakı xəstəxanalara 61 nəfərin (o cümlədən ikisi dağıntılar altından çıxarılıb) meyiti və 363 yaralı daxil olub”, – deyə açıqlamada bildirilir.
Zelenskinin cavabsız qalan çağırışları dünənə qədər onu dəstəkləyən, silah daxil hər növ yardım nümayiş etdirən ölkələr bu gün səssizlik içindədir. Avropanın böyük maraq nöqtəsinə yüksəldiyi və hal-hazırda ərazisi durmadan işğal olunan Ukraynaya dəstək axtaran Zelekski üçün bütün qapılar bağlanır. Sanki səs-səsə verib Ukrayna ərazisində birlikdə olduğunu söyləyən böyük Avropa ölkələri üçün Ukrayna heç əvvəldən yoxmuş kimi unudulub.
İsrail hərbçiləri Suriyanın cənubundakı əl-Quneytra əyalətində bir neçə yaşayış məntəqəsinə daxil olaraq orada nəzarət-buraxılış məntəqələri qurublar.
Bu barədə Suriyanın SANA agentliyi məlumat yayıb.
Məlumatına görə, İsrail ordusunun bölmələri əl-Quneytra əyalətinin mərkəzi və cənub bölgələrində bir neçə kənd və qəsəbəni zəbt edərək, nəzarət-buraxılış məntəqələri yaradıb və mülki şəxslərdə axtarışlar aparıb.
İngiltərənin paytaxtı Londonda minlərlə insan İsrailin Qəzzada törətdiyi qırğınlara etiraz etmək üçün küçələrə çıxıb. Fələstin Həmrəyliyi Kampaniyası tərəfindən təşkil edilən yürüşdə hökuməti silah satışını dayandırmağa və blokadanı qaldırmağa çağırıb.
Azərbaycandan təbii qaz Türkiyə-Suriya Təbii Qaz Boru Kəməri vasitəsilə Suriyanın Homs vilayətinə çatıb.
“Anadolu” agentliyi xəbər verir ki, Azərbaycan təbbi qazı əyalətdəki Cender Qaz Elektrik Stansiyasına çatdırılıb.
Növbəti mərhələdə qaz Cender stansiyasından paytaxt Dəməşq yaxınlığındakı Nəsiriyyə və Təşrin istilik elektrik stansiyalarına yönəldiləcək.
İranın Beynəlxalq əlaqələr üzrə müşaviri Vilayəti bəyan edib ki, Tehran “Beynəlxalq Sülh və Rifah naminə Tramp Marşrutu” dəhlizin yaradılmasına qarşıdır.
"Bu regionda münasibətlər təkcə iki ölkə - Azərbaycan və Ermənistanla məhdudlaşmır. Cənubi Qafqazda geosiyasi dəyişikliklər də İranın sərhədlərini dəyişir, ona görə də bizim maraqlarımızı ən qətiyyətlə müdafiə etmək haqqımız var".
“Arsenal” “Emireyts kuboku”nun finalında İspaniyanın “Atletik” klubu ilə qarşılaşıb.
Azarkeşlər matçda üç qola şahidlik ediblər.
Görüş “topçular”ın 3:0 hesablı qələbəsi ilə başa çatıb.
Qeyd edək ki, “Emireyts kuboku” 2007-ci ildən təşkil olunur. Turniri ən çox qazanan komanda da məhz “Arsenal”dır – 9 dəfə.
İsrail işğal planı ilə Qəzzaya iki ildir davam edən hücumlarını davam etdirmək niyyətindədir. On minlərlə uşaq, qadın və qocanın həyatına son qoyan bu hücum və qırğınlar avqustun 9-da İstanbulda Fələstinə Dəstək Platformasının təşkil etdiyi Bəyazıt Meydanından Ayasofya məscidinə qədər yürüşlə etiraz ediblər.
İsrailin uşaq, qadın və qoca da daxil olmaqla on minlərlə insanı ayrı-seçkilik etmədən qətlə yetirdiyi Qəzzada davam edən soyqırımı İstanbulda nümayiş etdirilib.
İsrailin Qəzza sektorunda səbəb olduğu aclıq daha da şiddətlənməyə dava edir.
Təkcə son 24 saat ərzində 11 günahsız fələstinli də aclıq və zəif qidalanma nəticəsində dünyasını dəyişib.
Bu barədə Qəzza sektorunun Səhiyyə Nazirliyi məlumat yayıb.
Beləliklə də, rəsmi aparıla bilən statistikaya əsasən, aclıqdan həyatını itirən dinc qəzzalıların sayı 212 nəfərə çatıb ki, onların da 98 nəfərini uşaqlar təşkil edib.
Londonda qadağan olunmuş Fələstin tərəfdarı olan “Palestine Action” qruplaşmasına dəstək aksiyasında 460-dan çox insan saxlanılıb.
Bu haqda London polisi “X” hesabında məlumat yayıb.
İyul ayında Britaniya hakimiyyəti “Palestine Action”ı terror təşkilatları siyahısına əlavə edib.
Hərəkata üzvlük və ya onun dəstəklənməsi 14 ilə qədər həbs cəzası ilə cəzalandırılan cinayət əməlinə çevrilib.
İsrailin baş naziri Benyamin Netanyahunun Qəzza zolağına nəzarəti təmin etmək qərarı fonunda minlərlə insan Təl-Əviv və İsrailin digər şəhərlərində etiraz aksiyası keçirib.
Bu barədə “Times of Israel” qəzeti məlumat yayıb.
