Türkiyə prezidenti Rəcəb Tayyib Ərdoğan Fələstin-İsrail münaqişəsinin həlli üçün ölkəsinin İranla əməkdaşlığa hazır olduğunu bəyan edib.
Operativtv.com Unikal-a istinadən xəbər verir ki, Türkiyə lideri iranlı həmkarı İbrahim Rəisinin yaxın vaxtlarda Türkiyəyə səfər edəcəyini deyib.
Azərbaycan və Rusiya vətəndaşlarının Gürcüstanda İŞİD terror qruplaşmasının üzvü olmaqda ittiham edilərək saxlanıldığı bildirilir.
Azərbaycan mediasının məlumatına görə, noyabrın 11-də Gürcüstanın Dövlət Təhlükəsizliyi Xidmətinin anti-terror mərkəzi tərəfindən İŞİD terror qruplaşması ilə əlaqəli olmaqda şübhəli bilinərək saxlanılan iki əcnəbidən biri Azərbaycan vətəndaşı, digəri Rusiya vətəndaşıdır.
Fələstin İslami Cihad hərəkatı İslam Əməkdaşlıq Təşkilatının Qəzza ilə həmrəylik çərçivəsində keçirdiyi toplantının yekun bəyanatına reaksiya verib, bəyannaməni sərt şəkildə tənqid edib.
İslam Əməkdaşlıq Təşkilatı və Ərəb Liqası ölkələrinin liderləri dünən Səudiyyə Ərəbistanının paytaxtı Ər-Riyadda görüş keçirərək, 57 ərəb və İslam ölkəsini Fələstin xalqına dəstək və həmrəylik elan etməyə dəvət ediblər.
Hizbullah İcraiyyə Şurasının sədri Seyid Haşim Səfiyüddin Cənubi Livanda sionist işğalına qarşı müqavimətin qarşıdurma prosesi ilə bağlı açıqlama verib və "Gözə göz" məntiqinə əməl edəcəyini düşmənin hücumlarına uyğun cavab verəcəyini açıqlayıb.
Seyyid Haşim Səfiyüddin əlavə edib: "Müqavimət davam edir və bu bir zərurətdir. Düşmənlə qarşılaşmaq üçün əlimizdə silahlarımız var və müqavimət hazırda aktivdir. Biz ölkəmizə və millətimizə dəstək olaraq bu mübarizəni davam etdirəcəyik".
İsrailin Hayfa şəhərində minə yaxın nümayişçi baş nazir Benyamin Netanyahuya etiraz etmək üçün bir araya gəlib.
Auditoriya Meydanına toplaşan nümayişçilər avtomobilləri ilə eyni şəhərin Qisarya rayonunda Netanyahunun evinin qarşısından keçən yola konvoy halında yola düşüblər.
Amerikaya məxsus hərbi təyyarə Aralıq dənizinin şərqində qəzaya uğrayıb. Qərb mediasına istinadən xəbər verir ki, hadisə noyabrın 10-da təlim zamanı baş verib. Xəsarət alanların olduğu bildirilir. Bununla yanaşı bəzi media orqanları hərbi təyyarənin vurulması barəsində ehtimalların olduğunu yazır. Amerika birmənalı bu ittihamları rədd etsə də, baş verən hadisələr və hərbi təyyarənin vurulma nöqtəsi bu ehtimaların güclənilən tərəfidir.
Almaniya Bundesliqasının 11-ci turunun oyununda “Ştutqart” Dortmund “Borussiya”sını 2:1 hesabı ilə üstələyib.
"Unikal" xəbər verir ki, ev sahiblərinin qollarını Deniz Undav (42-ci dəqiqə) və Seru Qirassi (83-cü dəqiqə, penalti) vurublar. Qonaqların heyətində isə Niklas Füllkruq (36-cı dəqiqə) fərqlənib.
Qeyd edək ki, bu, Dortmund təmsilçisinin ardıcıl ikinci məğlubiyyətidir.
Livan Hizbullahının Baş katibi Şəhid günü münasibəti ilə çıxışında işğal olunmuş Fələstində baş verən hadisələrə münasibət bildirərərək, Amerika hökumətinin Qəzza zolağında müharibəni idarə etdiyini və sionist rejimin mülki əhaliyə qarşı cinayət törətməklə özünə ağır zərbə vurduğunu vurğulayıb.
Azərbaycan Türkiyənin zəlzələ nəticəsində zərər çəkmiş Kahramanmaraş bölgəsində yaşayış binaları və sosial infrastruktur obyektlərinin tikintisini maliyyələşdirəcək.
Dünən, noyabrın 10-da Türkiyə Prezidenti Rəcəb Tayyib Ərdoğan “Azərbaycan və Türkiyə arasında Kahramanmaraş vilayətində yaşayış binaları, ibtidai məktəb, uşaq bağçası və mədəniyyət mərkəzi tikintisi barədə əməkdaşlıq haqqında” 2023-cü il sentyabrın 25-də Naxçıvan şəhərində əldə olunan razılığı imzalayıb.
Noyabrın 12-si Azərbaycan Respublikasının əsas qanununun – Konstitusiyanın qəbul edildiyi gündür.
Operativtv.com Azshafaqna.com-a istinadən xəbər verir ki, ölkə Konstitusiyası 28 il əvvəl – 12 noyabr 1995-ci ildə ümumxalq referendumu vasitəsilə qəbul edilib.
Bu, Azərbaycanın müstəqilliyini bərpa etməsindən sonra ilk Konstitusiyası idi.
İngiltərənin paytaxtı Londonda Fələstinlə həmrəylik nümayiş etdirmək üçün toplaşan yüz minlərlə insan 5-ci dəfə küçələrə çıxıb.
İsrailin Qəzzaya hücumlarını, həmçinin Daxili İşlər Naziri Bravermanın Fələstinə dəstək yürüşlərini tənqid etməsinə 'nifrət yürüşü' sözləri ilə etiraz etmək istəyən, sayı 300 min olan Fələstin tərəfdarı nümayişçi yerli vaxtla günorta saatlarında Hyde Parkda toplaşıb.
Ümumdünya Səhiyyə Təşkilatının baş direktoru Qəzza zolağında hər dəqiqə orta hesabla bir uşağın öldürüldüyünü bildirib.
Operativtv.com Az.rasthaber.com-a istinadən xəbər verir ki, baş direktor Qəzzada heç bir yerin təhlükəsiz olmadığı və heç kimin də təhlükəsiz olmadığı barədə xəbərdarlıq edib.
45 il ərzində ilk dəfə İran və Misir prezidentləri bir araya gəlib.
Operativtv.com Az.rasthaber.com-a istinadən xəbər verir ki, İran Prezidenti İbrahim Rəisi ilə misirli həmkarı Əbdülfəttah Sisi arasında Səudiyyə Ərəbistanının paytaxtı Ər-Riyadda görüş keçirilib.
Qəzza hadisələrinin gündəmdə olduğu görüşdə prezidentlər İran və Misir arasında əlaqələrin genişləndirilməsinin zəruriliyini qeyd ediblər.
İraqın qərbində yerləşən Ənbar əyalətində ABŞ-nin Ayn əl-Əsəd hərbi bazasına hücum olub.
Operativtv.com APA-ya istinadən xəbər verir ki, bu barədə “Shafaq News” portalı güc strukturlarındakı mənbəyə istinadən məlumat yayıb.
Baza minaatanlardan atəşə tutulub, əraziyə 2 mina düşüb.
