Həbsdə olan işçi hüquqları fəalı Elvin Mustafayev avqustun 4-də azadlığa çıxıb.
Bu barədə onun yaxınları sosial mediada məlumat yayıb. Fəal cəzaçəkmə müddətini başa vurub.
Elvin Mustafayev 2023-cü ilin avqustunda narkotik vasitələrin qanunsuz dövriyyəsində ittiham olunaraq saxlanılıb. Bakı Ağır Cinayətlər Məhkəməsinin 2024-cü il yanvarın 31-də çıxardığı hökmə əsasən, o, 3 il müddətinə azadlıqdan məhrum edilib.
Mustafayev ittihamı qəbul etməyib və cinayət təqibini üzvü olduğu "İşçi Masası" Həmkarlar İttifaqları Konfederasiyasındakı fəaliyyəti ilə əlaqələndirib.
2022-ci ildə yaradılan "İşçi Masası" Həmkarlar İttifaqları Konfederasiyasının dörd üzvü - sədr Afiəddin Məmmədov, eləcə də Ayxan İsrafilov, Elvin Mustafayev və Möhyəddin Orucov müxtəlif vaxtlarda həbs olunub.
Onlar müxtəlif ittihamlarla üzləşsələr də, ittihamların siyasi motivli və qurama olduğunu bildiriblər.
İşçi hüquqları fəalı Elvin Mustafayev azadlığa çıxıb
Həbsdə olan işçi hüquqları fəalı Elvin Mustafayev avqustun 4-də azadlığa çıxıb.
Bu barədə onun yaxınları sosial mediada məlumat yayıb. Fəal cəzaçəkmə müddətini başa vurub.
Elvin Mustafayev 2023-cü ilin avqustunda narkotik vasitələrin qanunsuz dövriyyəsində ittiham olunaraq saxlanılıb. Bakı Ağır Cinayətlər Məhkəməsinin 2024-cü il yanvarın 31-də çıxardığı hökmə əsasən, o, 3 il müddətinə azadlıqdan məhrum edilib.
Mustafayev ittihamı qəbul etməyib və cinayət təqibini üzvü olduğu "İşçi Masası" Həmkarlar İttifaqları Konfederasiyasındakı fəaliyyəti ilə əlaqələndirib.
2022-ci ildə yaradılan "İşçi Masası" Həmkarlar İttifaqları Konfederasiyasının dörd üzvü - sədr Afiəddin Məmmədov, eləcə də Ayxan İsrafilov, Elvin Mustafayev və Möhyəddin Orucov müxtəlif vaxtlarda həbs olunub.
Onlar müxtəlif ittihamlarla üzləşsələr də, ittihamların siyasi motivli və qurama olduğunu bildiriblər.