Activities calendar

Avropa İnsan Hüquqları Məhkəməsi (AİHM) 2015-ci ilin noyabrında Nardarandakı xüsusi əməliyyat zamanı güllə yarası alan və ardınca həbs edilən Bəhruz Əsgərovun işgəncə şikayəti üzrə qərarını açıqlayıb. Qərara əsasən, Azərbaycan hökuməti Əsgərova qarşı pis rəftarı etiraf edib. Rəsmi Bakı bu hüquq pozuntusuna görə ona 8 min avro (maddi-mənəvi ziyana görə 7 min 500, məhkəmə xərclərinə görə isə 500 avro) kompensasiya ödəmək öhdəliyi götürüb, ərizəçi də bununla razılaşıb.

Ukrayna PUA-larının zərbələri nəticəsində Krasnodarda terminal yanıb, ölən var

Ukrayna pilotsuz uçuş aparatlarının (PUA) zərbələri nəticəsində Rusiyanın Krasnodar diyarının Temryuk rayonunda yerləşən dəniz terminalında yanğın baş verib.

Bu barədə Krasnodar diyarının qubernatoru Veniamin Kondratyev sosial şəbəkələrdə məlumat verib.

İranın sabiq Ali Rəhbəri Ayətullah Seyid Əli Xamenei 9 iyulda Məşhəddə dəfn ediləcək.

Bu barədə Seyid Əli Xameneinin dəfn mərasimi üzrə qərargah məlumat yayıb.

Məlumata əsasən, Əli Xaməneinin vida mərasimi 4-5 iyul tarixlərində Tehrandakı Müsəlla kompleksində keçiriləcək, cənazə daha sonra Qum şəhərinə yola salınacaq.

Qırğızıstanda 37 qız Qurani-Kərimi tam əzbərləyərək hafiz adını qazanıb.

Oş şəhərində keçirilən mükafatlandırma mərasimi zamanı onlara müvafiq sertifikatlar da təqdim edilib.

Tədbir çərçivəsində tələbələrin təhsilinə töhfə vermiş müəllimlər, eləcə də ailələrində bir neçə hafiz yetişən valideynlər xüsusi olaraq təltif olunublar.

ABŞ, Kanada və Meksikanın ev sahibliyi etdiyi futbol üzrə dünya çempionatında daha bir oyun keçirilib.

B qrupunda mundialın ev sahiblərindən olan Kanada millisi Bosniya və Herseqovina yığması ilə qarşılaşıb. Torontodakı "Bimo Fild" stadionunda oynanılan görüş 1:1 hesablı heç-heçə ilə yekunlaşıb.

Hesabı 21-ci dəqiqədə Avropa təmsilçisinin heyətində Yovo Lukiç açıb. Kanadanın qoluna isə 78-ci dəqiqədə Kayl Larin imza atıb.

İraq Milli Təhlükəsizlik Xidməti qurumun rəhbəri, rəsmi sözçüsü, Bağdadın təhlükəsizlik müdiri və bir neçə yüksək rütbəli zabitinə qarşı planlaşdırılan sui-qəsd cəhdinin qarşısı alınıb.

Bu barədə İraqın rəsmi xəbər agentliyi (INA) məlumat yayıb.

Məlumatda bildirilir ki, İraq Milli Təhlükəsizlik Xidməti genişmiqyaslı əməliyyat nəticəsində təşkilatın ali rəhbərliyini və komandir heyətini hədəf alan terror planını vaxtında müəyyən edərək tamamilə zərərsizləşdirib.