İnsan qətlinə səbəb olan istənilən addım insanlığa qarşı terror, ümumbəşəri cinayət sayılır. Quranın bir şəxsi öldürməyi əslində bütün insanlığın qətlinə bərabər tutması problemin necəliyindən asılı olmayaraq şəxsi mühakimənin səbəb olduğu qətlin mahiyyətcə sərhədlərini belə qiymətləndirir. Belə bir cinayət bu səhər Azərbaycanın İrandakı səfirliyində həyata keçirilib. Səfirliyimizə silahlı hücum və bu hücumda qətlə yetirilən vətəndaşımıza qarşı gerçəkləşən terror səbəbindən asılı olmayaraq bütün Azərbaycan xalqına yönəli bir cinayətdir. Şübhəsiz olaraq biz, bir nəfərin şəhadəti, daha bir nəfərin yaralanması ilə gerçəkləşən cinayəti qınayır və müqəssirin hansı motiv və hansı səbəb üzərindən cinayəti gerçəkləşdirməsindən asılı olmayaraq sərt şəkildə cəzalanmasını tələb edirik.
MBH Azərbaycanın İrandakı səfirliyində baş verən terroru qınadı
Oxşar xəbərlər