Sionist rejimin işğal etdiyi müxtəlif bölgələrində müharibəyə qarşı genişmiqyaslı etiraz aksiyaları keçirilib. Etirazlar təxminən 20 fərqli nöqtədə təşkil olunub.
Aksiyalar “əbədi müharibəyə yox, ədalətli və təhlükəsiz sülhə bəli” şüarı ilə keçirilib və müxtəlif ictimai təşkilatların iştirakı ilə baş tutub.
Əsas aksiya Təl-Aviv şəhərində, “Habima” meydanında keçirilib. Burada yüzlərlə etirazçı toplaşıb.
Mart ayında İsrailin zərbələri nəticəsində Livanda vəzifəsini yerinə yetirərkən həlak olan səhiyyə işçilərinin sayı 51-ə çatıb.
ABŞ-da təşkil olunan “Krallara yox” adlı kütləvi etiraz aksiyalarında ən azı 9 milyon insanın iştirak etdiyi açıqlanıb. Aksiya təşkilatçıları bu göstəricini “rekord səviyyə” kimi qiymətləndiriblər. Bildirilib ki, ölkənin bütün 50 ştatında 3300-dən çox etiraz tədbiri keçirilib.
Rəsmi qurumlar tərəfindən iştirakçı sayı ilə bağlı hələlik açıqlama verilməsə də, təşkilatçılar aksiyaların ABŞ tarixində ən genişmiqyaslı etirazlardan biri olduğunu vurğulayır.
İran “Emirates Global Aluminium” (EGA) şirkətinin Əbu-Dabidəki strateji obyektini hədəf alıb.
Xarici KİV-lər xəbər verir ki, İranın raket və dron zərbələri Əbu-Dabidə yerləşən “Əl-Tavilah” zavoduna ciddi ziyan vurub.
Hücum zamanı müəssisənin bir neçə əməkdaşı yaralanıb.
Suriyanın şimal-şərqindəki Haseke vilayətində yerləşən Kasrak hərbi bazası İraqdan atılan dronların hədəfi olub.
Bu barədə Suriya ordusunun mətbuat xidməti məlumat yayıb.
Azərbaycanlı MMA döyüşçüsü Tofiq Musayev Mütləq Döyüş Çempionatında (UFC) bu gecə növbəti döyüşünü keçirib.
36 yaşlı idmançı ABŞ-nin Sietl şəhərində keçirilən turnirdə çilili İqnasio Bahamondeslə qarşılaşıb.
İdmançılar üç raund ərzində qalibi müəyyənləşdirə bilməyiblər. Yekunda hakimlər yekdilliklə Tofiq Musayevin qələbəsinə səs veriblər. Bu, Tofiq Musayevin UFC-də ilk qələbəsi olub.
ABŞ Hərbi Hava Qüvvələrinə məxsus “E-3 Sentry” təyyarəsinin martın 27-də Səudiyyə Ərəbistanındakı Şahzadə Sultan Hərbi Hava Bazasında İranın raket və dron hücumu nəticəsində vurulduğunu əks etdirdiyi iddia olunan yeni görüntü yayılıb.
Görüntü son həftələrdə həmin bazaya yerləşdirilmiş “E-3 Sentry” tipli, “81-0005” bort nömrəli təyyarəyə uyğundur.
Səudiyyə Ərəbistanındakı aviabazaya hücumdan əvvəl ABŞ-ın cəmi 16 ədəd istismara hazır “E-3 Sentry” təyyarəsi olub.
Fundamental azadlıqlardan biri olan təhsil almaq hüququ növbəti dəfə məktəb rəhbərliyi tərəfindən məhdudlaşdırılıb. Bu dəfə məcburi təhsildən uzaqlaşdırılma faktı Bakı şəhəri, Abşeron rayonu, 4 saylı tam orta məktəbdə qeydə alınıb.
