“Çelsi” sabiq sahibi Roman Abramoviç dövründə maliyyə qaydalarını pozduğuna görə cəzalandırılıb.
“Sky Sports”un məlumatına görə, müstəqil komissiya London klubunu 2011-2018-ci illərdə maliyyə hesabatlarında qeyri-dəqiqlik və qayda pozuntularına görə 10,75 milyon funt sterlinq məbləğində cərimələyib.
İslam dininə aid ibadət yerlərində vakant vəzifələrin tutulması məqsədilə imam, imam müavini, dini ayinlərin icraçısı və qadın dini ayinlərin icraçısı vəzifələri üzrə elan edilmiş müsahibəyə 230 namizəd müraciət edib.
Bu barədə Dini Qurumlarla İş üzrə Dövlət Komitəsindən məlumat verilib.
Bildirilib ki, müraciətlər ümumilikdə 61 vakant yer üzrə olub.
Bu bizim müharibəmiz deyil.
“Reuters“ xəbər verir ki, bu sözləri Almaniyanın müdafiə naziri Boris Pistorius ABŞ-ın tərəfdaşlarından dəstək istəməsi ilə bağlı məsələyə münasibət bildirərkən deyib.
Pistorius ABŞ Prezidenti Donald Trampın İrana qarşı ABŞ-İsrail müharibəsində hərbi dəstək tələblərini rədd edib.
Avropa Şurasının Nazirlər Komitəsi Azərbaycanda hüquq müdafiəçiləri, vətəndaş cəmiyyəti fəalları və jurnalistlərlə bağlı Avropa İnsan Hüquqları Məhkəməsinin (AİHM) qərarlarının icrası məsələsini yenidən müzakirə edib. Komitə bildirib ki, bu işlər üzrə hələ də irəliləyiş yoxdur və Azərbaycan hakimiyyəti həmin qərarları tam şəkildə icra etməlidir.
ABŞ prezidenti Donald Tramp Qərb müttəfiqlərini Hörmüz boğazı bölgəsinə hərbi gəmilər göndərməyə çağırıb. O bildirib ki, məqsəd ticarət gəmilərinin boğazdan təhlükəsiz keçidini təmin etməkdir.
Tramp bu barədə “Truth Social” sosial şəbəkəsində yazıb. Onun sözlərinə görə, Çin, Fransa, Yaponiya, Cənubi Koreya, Böyük Britaniya və digər ölkələr bölgəyə hərbi donanma göndərməlidir.
İngiltərə Premyer Liqasında XXX turun daha bir oyunu keçirilib.
"Liverpul" doğma meydanda "Tottenhem"lə qarşılaşıb. Görüş 1:1 hesablı heç-heçə ilə yekunlaşıb.
Hazırda Mersisayd klubu 49 xalla beşinci pillədə qərarlaşıb. Qonaqlar isə 30 xalla on altıncı yerdədir.
Turnir cədvəlinə 70 xalla "Arsenal" başçılıq edir.
İran İnqilab Keşikçiləri Korpusu "Sədaqətli Vəd 4 Əməliyyatının" 54-cü dalğasında ilk dəfə strateji və bərk yanacaqlı Siccil raketlərindən istifadə edildiyini açıqlayıb.
Netanyahunun ofisi, taleyi ilə bağlı şayiələrə son qoymaq üçün sosial media hesabında yeni bir video yayımlayıb. Bu video, süni intellektdən istifadə edilərək yaradıldığı ortaya çıxan əvvəlki videonun tez bir zamanda ifşa olunmasından sonra onun taleyi ilə bağlı şübhələri aradan qaldırmağı hədəfləyirdi.
İsrail Ravvin Şurasının rəhbəri Kalmen Berin Ayətullah Xameneinin şəhadəti ilə bağlı mübahisəli sosial media paylaşımı müzakirə mövzusuna çevrilmişdi.
Kalmen Ber sosial mediada Ayətullah Xameneinin şəhadətinə necə sevindiklərini paylaşaraq demişdi: "Bu gün başqa bir Əlini öldürdük və Xeybərin qisasını aldıq".
Bu yəhudi ravvin bu açıqlamanı verdikdən bir həftə keçməmiş İran raketləri ilə onun olduğu ərazini hədəfə alıb və Kalmen Ber öldürülüb.
İslamofobiya, insanların inancına görə onlara qarşı yönəlmiş ayrı-seçkilik və nifrət insan ləyaqətinin, bərabərliyin və qarşılıqlı anlaşmanın ən əsas prinsiplərini sarsıdır.
Bu barədə Azərbaycan Xarici İşlər Nazirliyinin (XİN) İslamofobiya ilə Beynəlxalq Mübarizə Günü ilə bağlı “X” sosial şəbəkə hesabında edilən paylaşımda qeyd olunub.
Bildirilib ki, sözügedən qərəzin cəmiyyətlərimizdə yeri yoxdur.
