11 March 2026

Rusiyadan Ermənistana gedən taxıl yüklü vaqonlar bu gün Bakıdan yola salınıb

Azərbaycandan tranzit keçməklə Rusiyadan Ermənistana göndərilən taxıl yüklü vaqonlar bu gün Bakıdan yola salınıb.

Ümumi çəkisi 1023 ton olan taxıl yüklü 11 vaqon Ermənistan Respublikasına göndərilib.

Xatırladaq ki, indiyə qədər Rusiyadan Ermənistana Azərbaycandan tranzit keçməklə 22 min tondan çox (320 vaqon) taxıl, həmçinin 610 ton (9 vaqon) gübrə göndərilib.

Vaşinqton arxiyepiskopu: ABŞ və İsrailin İrana qarşı müharibəsi "Mənəvi cəhətdən qanuni deyil"

Vaşinqton arxiyepiskopu Kardinal Robert W. McElroy, ABŞ və İsrailin İrana qarşı apardığı müharibənin "mənəvi cəhətdən qanuni olmadığını" söyləyib.

The Guardian yazır ki, McElroy bu həftə Catholic Standard-a verdiyi müsahibədə deyib: "Qanuni səbəb meyarı yerinə yetirilməyib; çünki ölkəmiz İranın hazırkı və ya baş verməsi ehtimal olunan, obyektiv şəkildə sübut edilə bilən hücumuna cavab verməyib.

Tofiq Yaqublu müayinə edilib

Milli Şura Koordinasiya Mərkəzinin həbsdə olan üzvü Tofiq Yaqublunu martın 9-10-da həkimlər müayinə edib.

Bununla bağlı T.Yaqublu ilə görüşən vəkil Nemət Kərimliyə istinadən siyasətçinin qızı Nigar Həzi məlumat yayıb: "Müayinə zamanı onun 15 gün içində 10 kq çəki itirdiyi, təzyiqinin isə aşağı - 60/90 olduğu bəlli olub. Vəkil də görüş zamanı Tofiq Yaqublunun xeyli çəki itirdiyinin, səsinin zəiflədiyinin, rənginin tutqunlaşdığının şahidi olub".

İran müharibənin 12-ci günündə İsrailə qarşı 2 tonluq ballistik raketlərdən istifadə etdi

ABŞ, İsrail və İran arasındakı müharibə 12-ci gününə qədəm qoyduqca, toqquşmalar tam şiddətlə davam edir. İran İnqilab Keşikçiləri Korpusu, "Əsl Vəd-4" Əməliyyatı çərçivəsində keçirilən 37-ci əməliyyat dalğasının hücumların başlanğıcından bəri ən ağır və ən gərgin əməliyyat olduğunu açıqladı. Bu arada İsrail, ABŞ ilə birlikdə hücum etdikləri İranın cavab hücumları nəticəsində cəmi 12 nəfərin öldüyünü və 200 israilli yaralandığını, onlardan 7-sinin ağır olduğunu açıqladı.

İraq İslam Müqaviməti: Son 12 gündə 13 Amerikalı öldürülüb

İraq İslam Müqaviməti münaqişənin başlanğıcından bəri 291 əməliyyat keçirdiyini və 13 Amerikalı zərərsizləşdirildiyini açıqlayıb.

İraq İslam Müqaviməti son 24 saat ərzində onlarla raket və dronla ABŞ işğalçı qüvvələrinin bölgədəki və İraqdakı bazalarını hədəf alan 31 əməliyyat keçirdiyini bildirib.