1 saylı İstintaq təcridxanasından siyasi məhbuslar Cahad Babakişizadə, Mayıl Kərimov və Elçin Zeynalov inanclı xanımların saxlanılaraq barələrində cinayət işinin açılmasını qınayıblar. Hər üç inanclı hakimiyyətin bu addımını təxribat kimi dəyərləndirib.
Ərbəin günü ehsan paylayan inanclı xanımların saxlanılmasına etiraz olaraq, 17 saylı təcridxanada məhbus Rövşən Əliyev bəyanatla çıxış edib.
O bildirib ki, ehsan paylamaq heç bir qanun pozuntusu deyil və inanclı xanımlara qarşı atılan bu addım qəbuledilməzdir. Rövşən Əliyev vurğulayıb:
“Hər bir xanım ana, bacıdır. Onların bir dəqiqə belə ehsan payladıqlarına görə saxlanılması yolverilməzdir.”
Türkiyə İsrailə qarşı yeni iqtisadi tədbirlər həyata keçirib. İsrail bayraqlı və ya İsrailə məxsus gəmilərin Türkiyəyə, Türkiyə bayrağı altında üzən gəmilərin isə İsraildən çıxmasına tamamilə qadağa qoyulub. Bundan başqa, İsrailə gedən yüklərin konteyner daşımaları da daxil olmaqla Türkiyə limanlarında emalına icazə verilməyəcək.
Fələstinin Qəzzada Səhiyyə Nazirliyi son 24 saat ərzində sionist İsrailin Qəzza zolağına hücumları nəticəsində 70 nəfərin şəhid olduğunu və 356 nəfərin yaralandığını açıqlayıb.
İsrail ordusu dünən axşam saatlarında işğala hazırlaşdığı Qəzza şəhəri ətrafında hücumlara başladığını açıqlayıb.
İsrail ordusunun Livanın cənubuna hücumları davam edir.
Livan mediasının məlumata görə, Deyr Suryan qəsəbəsində pilotsuz uçuş aparatının (PUA) motosikleti hədəfə alması nəticəsində bir mülki şəxs həlak olub.
Bundan başqa, Aytarun qəsəbəsinin kənarında İsrailə məxsus PUA-nın bomba atdığı bildirilib.
Bakıda baş verən insidentlə bağlı saxlanılan ictimai fəal Əhməd Məmmədlinin cinayət işi ilə bağlı məhkəmənin hazırlıq iclası keçirilib.
Livandakı Şiə İslam Ali Şurasının sədr müavini Şeyx Əli əl-Xətib Müsəlman Alimlər Birliyinin nümayəndə heyətini qəbul edib. Görüşdə Livanda müqavimət silahlarının legitimliyi və İsrailin hücumlarına qarşı birlik və həmrəyliyin vacibliyi vurğulanıb.
Livanda Şiə İslam Ali Şurasının sədr müavini Şeyx Əli əl-Xətib Müsəlman Alimlər Birliyinin nümayəndə heyəti ilə görüşərək Livan və regionda baş verən son hadisələri dəyərləndirib.
ABŞ qoşunlarının İraqdan çıxarılması xəbəri regional mediada geniş işıqlandırılıb və regiondakı gərgin vəziyyət nəzərə alınaraq, bu inkişaf müxtəlif cür şərh edilib.
İki gün əvvəl İraqın baş naziri Məhəmməd Şia əl-Sudani ABŞ və İraq arasındakı razılaşmanın müddətini başa vurduğunu və ABŞ döyüş qüvvələrinin sentyabrın əvvəlində (Bağdad-Vaşinqton təhlükəsizlik razılaşmasına uyğun olaraq) Əyn əl-Əsəd bazasını və Bağdad hava limanını tərk edəcəyini açıqlamışdı.
Livan hökuməti Hizbullah üçün tərksilah layihəsini nəzərdən keçirir və bəyan edir ki, bu hərəkət ABŞ və İsrailin maraqlarına tam uyğundur.
Banqladeşdə ilk dəfə olaraq şiə və sünni alimləri Xulnada İmam Hüseynə (ə) ehsan süfrəsi paylayıblar. Bu əməl həm Əhli-beytə (ə) bağlılıq, həm də müsəlmanlar arasında birlik və həmrəylik mesajı verib.
Bu proqramda “Camiəti Muhibbini Əhli-Beyt (ə)” təşkilatının tanınmış sünni alimləri də iştirak və şiə alimləri ilə birlikdə bu nemətlərin paylanmasında iştirak ediblər.
Səfər ayının 28-ci günü Həzrət Məhəmmədin (s) vəfat ildönümü günü münasibətilə Nəcəfdə yerləşən İmam Əli (ə) hərəmi qaraya bürünüb. Ziyarətgahın daxilində və ətrafında kədər və hüzn simvolu olan qara bayraqlar, parçalar asılıb.
İraqın müxtəlif bölgələrindən və dünyanın müxtəlif ölkələrindən minlərlə zəvvar bu günlərdə Nəcəfə üz tutur.
Hər il bu günlərdə İmam Əli (ə) ziyarətgahı İslam dünyasında böyük bir hüzn və matəm məkanı kimi xüsusi əhəmiyyət daşıyır.
Bu gün UEFA Çempionlar Liqasında pley-off mərhələsinin növbəti oyunları keçirilib.
İlk matçlara 4 qarşılaşma ilə yekun vurulub.
"Fənərbaxça" "Benfika"nı qəbul edib. İstanbulda keçirilən görüş saat 23:00-da start götürüb.
Oyunda qalib müəyyənləşməyib. Matç 0:0 hesablı heç-heçə ilə başa çatıb.
İsrail ordusu Qəzzada əməliyyatlara start verib.
Bu barədə ”The Jerusalem Post" məlumat yayıb.
Məlumata görə Qəzza şəhərinin ətraf əraziləri artıq İsrail hərbçilərinin nəzarətinə keçib.
Qeyd edilir ki, İsrail Müdafiə Qüvvələrinin sözçüsü briqada generalı Efraim Defrin hücumun başladığını təsdiqləyib.
Onun sözlərinə görə, ordunun əsas prioriteti Qəzzadan mülki şəxslərin təxliyəsi, həmçinin onlara humanitar və tibbi yardımın göstərilməsidir.
