Activities calendar

Rusiyanın Ukraynanın Kiyev vilayətinin Borispol rayonuna ballistik raket zərbəsi nəticəsində 2 nəfər həlak olub, 8 nəfər xəsarət alıb.

Bu barədə Kiyev Vilayət Hərbi Administrasiyasının rəhbəri Timur Tkaçenko öz teleqram kanalında bildirib.

"Rusiyanın hücumu nəticəsində Borispol rayonunda ölənlərin sayı iki nəfərə çatıb. Həmçinin xəsarət alanların sayı səkkiz nəfərə qədər artıb. Onlardan biri uşaqdır. Yaralılara lazımi tibbi yardım göstərilir", - o qeyd edib.

Yeniyetmə oğlan cüdoçulardan ibarət Azərbaycan millisi Türkiyənin Ordu şəhərində keçirilən beynəlxalq turnirdə uğurla çıxış edib.

Azərbaycan Cüdo Federasiyası xəbər verir ki, yarışda dörd idmançı ilə təmsil olunan yığmanın bütün üzvləri medal qazanıblar.

Qərib Atababayev (55 kq), Raul Məlikzadə (60 kq) və Nihad Məlikli (+90 kq) bütün rəqiblərinə qalib gələrək qızıl mükafata sahib olublar. Muhəmməd Səttarov (60 kq) isə turniri bürünc medalla başa vurub.

İran ordusu Fars körfəzi bölgəsində son hərbi əməliyyatlar fonunda müdafiə xarakterli hərbi doktrinadan hücum xarakterli hərbi doktrinaya keçib.

Bunu İran İslam Respublikası Silahlı Qüvvələrinin rəsmi nümayəndəsi, briqada generalı Məhəmməd Əkrəminiyə IRNA-ya açıqlamasında bildirib.

Dəməşqdə avtobus partladılıb, güc strukturunun bir neçə əməkdaşı yaralanıb

Suriya Daxili İşlər Nazirliyinin Daxili Təhlükəsizlik Qüvvələrinə məxsus avtobus Dəməşq ətrafında partladılıb.

Bu barədə SANA nazirliyə istinadən məlumat yayıb.

Yəmən Xarici İşlər Nazirliyi ABŞ-ın Livanın ən vacib elementlərindən biri olan Hizbullaha tətbiq etdiyi sanksiyaların “sionist düşmən”ə açıq dəstək təşkil etdiyini bildirib.

Yəmən Xarici İşlər Nazirliyinin yaydığı bəyanatda bu qanunsuz sanksiyaların və oxşar hərəkətlərin dövlətlərarası münasibətləri tənzimləyən beynəlxalq hüququn açıq şəkildə pozulması olduğu vurğulanıb.

Adanada Furkan Vəqfi ilə bağlı aparılan istintaq çərçivəsində saxlanılan 56 şübhəli arasında Alparslan Kuytul və həyat yoldaşı Semra Kuytul da həbs olundu. Bu barədə məhkəmə qərar verib. Digər şübhəlilər üçün məhkəmə proseslərinin davam etdiyi bildirilir.

Furkan Vəqfini hədəf alan əməliyyat Adana Baş Prokurorluğunun koordinasiyası altında həyata keçirilib.

İmam Həsən Əskərinin (ə) şəhadətinin ildönümü ilə bağlı Türkiyədə Zeynəbiyyə məscidi və Mədəniyyət Mərkəzində anım proqramı keçirilib. Proqramda çıxış edən Zeynəbiyyə məscidinin alimi Güvən Dumanlı deyib: "Bu gün milyonlarla, hətta yüz milyonlarla insan Peyğəmbərimizin və Əhli-beytinin yolunu, baxışlarını və rəhbərliyini izləməyə davam edir. Təxminən 28 il yaşayan İmam Həsən əl-Əskərinin (ə) həyatı əsasən həbsxanada, nəzarətdə və sürgünlərdə keçib; ona insanlarla ünsiyyət qurmağa belə icazə verilməyib.

Binyamin Netanyahunun və İsrael Katsın Türkiyə ünvanına açıqlamaları münasibətlərin kəskinləşməsi fonunda son dərəcə təhlükəli hesab olunur.

“İsrail təhlükəsizlik strukturları Baş nazir Binyamin Netanyahunun və Müdafiə naziri İsrael Katsın Türkiyəyə qarşı verdiyi bəyanatlardan narahatdır. Təhlükəsizlik sisteminin nümayəndələrinin fikrincə, bu cür ritorika Türkiyə ilə münasibətlərdə lüzumsuz gərginliyə səbəb ola bilər”, – bu barədə İsrailin 12-ci kanal məlumat verir.