Çinin Şansi əyalətində yerləşən kömür mədənində baş verən qaz partlayışı nəticəsində azı 90 nəfər ölüb. Yaralananlar var və vəziyyəti ağır olanlar ölüm sayının artma ehtimalını ortaya qoyur.
Bu barədə “Sinxua” agentliyi yerli fövqəladə halların idarə olunması qurumuna istinadla məlumat yayıb.
Bildirilib ki, mədənçilərin ölümünə karbonmonoksit səviyyəsinin normadan artıq olması səbəb olub.
Trampın Milli Kəşfiyyat Direktoru Tulsi Qabbard istefa verdi.
Tulsi Qabbard Trampın ABŞ prezidenti kimi ikinci müddətinin əvvəlində milli kəşfiyyat direktoru təyin edilmişdi. Qabbard cümə günü ərinin səhhətinin pisləşməsini əsas gətirərək istefa verdiyini açıqladı.
İran İslam İnqilabı Keşikçiləri Korpusu Hərbi Dəniz Qüvvələri son 24 saat ərzində qüvvələri ilə koordinasiyalı şəkildə neft tankerləri, konteyner gəmiləri və kommersiya gəmiləri də daxil olmaqla 35 gəminin Hörmüz boğazından keçdiyini açıqlayıb.
Atəşkəs prosesi davam etsə də, kommersiya gəmilərinin Hörmüz boğazından keçməsi davam edir. Rəqəmlər İran İslam İnqilabı Keşikçiləri Korpusu Hərbi Dəniz Qüvvələri tərəfindən gündəlik olaraq təqdim olunur.
Səudiyyə Ərəbistanı Pasport İdarəsinin Baş Direktoru General Saleh əl-Murabba bildirib ki, bu günə qədər Hacc ibadətini yerinə yetirmək üçün ölkəyə gələnlərin sayı 1,5 milyonu keçib.
Murabba qeyd edib ki, bu şəxslərin 1,4 milyondan çoxu hava yolu ilə, təxminən 45 min nəfəri isə quru yolu ilə, və 6 mindən çoxu dəniz yolu ilə ölkəyə daxil olub.
Türkiyənin Cümhuriyyət Xalq Partiyasının (CHP) 38-ci qurultayında nümayəndələrin səsvermə iradəsinə müdaxilə edildiyi iddiaları ilə bağlı aparılan istintaq çərçivəsində 7 vilayətdə əməliyyat həyata keçirilib.
“TRT Haber” xəbər verir ki, əməliyyat İstanbul, Ankara, İzmir, Şanlıurfa, Kahramanmaraş, Kilis və Malatyanı əhatə edib.
Əməliyyat zamanı 13 şübhəli saxlanılıb. Onların yaşadıqları ünvanlarda axtarış aparılıb və bəzi materiallar götürülüb.
FTX Müsəlmanların Ruhani İdarəsinin rəhbərinə yaxın şəxslərin saxlanılmasına tutarlı izahat vermir, dini liderlərin həbslər bütün ölkə boyu aparılır
Rusiya Müsəlmanlarının Ruhani İdarəsi ilə əlaqəli olan ruhani liderlərinə qarşı həbs dalğası davam edir.
Futbol üzrə Türkiyə Kubokunun qalibi bəlli olub.
Final matçı Antalyada keçirilib.
Həlledici görüşdə "Trabzonspor" "Konyaspor"la qarşılaşıb. Hesab ilk yarıda açılıb. Qara Dəniz təmsilçisi Paul Onuaçunun qolu ilə önə keçib.
İkinci hissədə Cekson Muleka hesabı bərabərləşdirib. Oyunun gedişində Onuaçu dubl müəllifi olub.
Bununla da, "Trabzonspor" ölkə kubokunun qalibi adına sahib çıxıb.
