02 July 2026

Dəməşqdə Ədalət Sarayının yaxınlığında partlayışda 5 nəfər ölüb, 16 nəfər yaralanıb

Suriyanın paytaxtı Dəməşqdə Ədalət Sarayının yaxınlığında yerləşən kafedə partlayış baş verib. Bu barədə Suriyanın dövlət televiziyası “Əl-İxbariyyə” məlumat yayıb.

Partlayış böyük əhatəni caynağına alıb. "Reuters" xəbər verir ki, partlayışda ölənlərin sayı 5-ə çatıb, daha 16 nəfər isə xəsarət alıb. Lakin ağır yaralıların olma səbəbindən ölü sayının artması ehtimalı vardır.

AŞPA prezidenti: “Azərbaycan heç nəyi dəyişmədən geri qaytarılacağını gözləyir, amma bu, baş verməyəcək”

Avropa Şurası Parlament Assambleyasının (AŞPA) prezidenti Petra Bayr deyib ki, Azərbaycanın AŞPA-ya qayıtması yalnız rəsmi Bakının konkret addımlarından sonra mümkün ola bilər.

O, “Azadlıq Radiosu”na müsahibəsində bildirib ki, hazırda Azərbaycan hakimiyyətinin Avropa Şurasının dəyərlərinə və tələblərinə doğru hər hansı real addım atmağa hazır olduğunu göstərən siqnal görünmür.

Hacı Hacıyev və fond rəhbəri rəsmi dəvətlə Tehrana yollanırlar

Marneuli Mərkəzi Hz İmam Əli (ə) Məscidinin axundu, imamcümə Hacı Hacıyev və Hz İmam Əli (ə) Fondunun rəhbəri Hacı Amil Xəlilov Tehranda keçiriləcək İranın şəhid ali dini lideri Ayətullah Seyid Əli Xameneinin dəfn mərasimində iştirak etmək üçün rəsmi dəvət alıblar.

Bu barədə Aktual.ge xəbər portalının sorğusuna din xadimi Hacı Hacıyev məlumat verib.

Rusiyanın Kiyevə hücumunda ölənlərin sayı 13-ə çatıb, 86 yaralı var

Rusiyanın Kiyevə hücumunda ölənlərin sayı 13 nəfərə çatıb.

Bu barədə Ukraynanın Baş naziri Yuliya Sviridenko “X” hesabında bildirib.

Onun sözlərinə görə, ikisi azyaşlı olmaqla, azı 86 nəfər isə xəsarət alıb.

Paytaxtda 20 yaşayış məntəqəsi birbaşa hücuma məruz qalıb, 100-ə yaxın tikiliyə ziyan dəyib.

Axtarış-xilasetmə qrupları Kiyevin 15 bölgəsində fəaliyyət göstərir.

Hörmüz boğazının statusu dəyişdirilmədi

Beynəlxalq dənizçilər həmkarlar ittifaqları və gəmiçilik şirkətləri birgə bəyanat yayaraq Hörmüz boğazının ən azı 9 iyul tarixinədək müharibə əməliyyatları zonası kimi qiymətləndiriləcəyini açıqlayıblar.

Qərara əsasən, bölgədə fəaliyyət göstərən dənizçilər üçün tətbiq olunan xüsusi təhlükəsizlik və əməkhaqqı şərtləri qüvvədə qalacaq.

Qərar Beynəlxalq Kollektiv Danışıqlar Forumunun (IBF) əmək müqavilələrinə qoşulmuş təxminən 15 min gəmini əhatə edir.

Belçika 1/8 finalda

Futbol üzrə dünya çempionatında Belçika millisi Seneqalla qarşılaşıb.

Sietl stadionunda keçirilən 1/16 final mərhələsinin oyununda Belçika millisi 3:2 hesabı ilə qələbə qazanıb.

Seneqal I qrupunda üçüncü, Belçika isə G qrupunda birinci yeri tutub.

1/8 final mərhələsində Belçika millisi ABŞ–Bosniya və Herseqovina görüşünün qalibi ilə qarşılaşacaq.

Von der Leyen Azərbaycana gəlib: “Tərəfdaşlığımızı daha da dərinləşdirmək üçün Bakıdayam”

Avropa Komissiyasının Prezidenti Ursula von der Leyen iyulun 1-də Azərbaycana səfərə gəlib. Səfər ərəfəsində Azərbaycanda həbsdə olan bir qrup jurnalist, ictimai fəal və siyasi məhbus Avropa rəsmisini insan haqları məsələsini Azərbaycan hakimiyyəti ilə danışıqların əsas mövzularından birinə çevirməyə çağırıb.

Von der Leyeni Heydər Əliyev Beynəlxalq Aeroportunda Azərbaycanın xarici işlər naziri Ceyhun Bayramov, Avropa İttifaqının genişlənmə üzrə komissarı Marta Kos və digər rəsmi şəxslər qarşılayıblar.