Sumud Donanmasından beş gəmi bölgəyə tətbiq edilən blokadanı pozmaq üçün Yunanıstandan Qəzzaya çatmaq üçün yola düşdü.
Sumud Donanması Koalisiyası, Fələstin xalqının soyqırımına, aclığına və tamamilə məhv edilməsinə imkan verən cəzasızlığa qarşı mübarizə və Qəzza zolağına tətbiq edilən işğal blokadasını pozmaq üçün daha geniş beynəlxalq səylərin bir hissəsi olaraq beş gəminin Yunanıstandan yola düşdüyünü açıqladı.
Qondarma işğalçı İsrail hökumətinin “Milli Təhlükəsizlik” naziri İtamar Ben Qvir işğal altındakı Qüdsdə yerləşən Əl-Əqsa məscidinin həyətinə daxil olub və burada işğal bayrağını qaldırıb. Hadisə ciddi təhlükəsizlik tədbirləri altında baş verib.
Qüds qubernatorluğu bildirib ki, Ben Qvir məscidin həyətində təxribat xarakterli hərəkətlər edib və rəqs edərək vəziyyəti daha da gərginləşdirib. Bu hadisə “Qüdsün birləşdirilməsi günü” adı altında keçirilən tədbirlərlə eyni vaxta təsadüf edib.
İmam Hüseyn (ə) Ziyarətgah Kompleksinin Genişləndirmə Layihələri Departamenti, Xanım Zeynəb (s.ə) səhni layihəsinin tərkib hissəsi olan “Təlli-Zeynəbiyyə” məqamındakı yenidənqurma işlərinin yekun mərhələyə çatdığını bəyan edib.
Sözügedən layihə İmam Hüseyn (ə) hərəminin genişmiqyaslı inkişaf planının birinci mərhələsini təşkil edir.
Müsəlman Birliyi Hərəkatının həbsdə olan üzvü Ağəli Yəhyayevin bacısı Elnarə Eldar qardaşının saxlanma şəraitindən şikayətlənir.
O, sosial media hesabında etdiyi paylaşımda A.Yəhyayevin səhhətində problemlər olduğunu, habelə ağır xəstələrlə birgə saxlanıldığını yazıb.
Futbol üzrə İtaliya Kubokunun qalibi bəlli olub.
Finalda "Latsio"nu 2 cavabsız qolla məğlub edən "İnter" titula sahib çıxıb.
Matçda hər iki qol ilk hissədə vurulub. Əvvəlcə 14-cü dəqiqədə Adam Maruşiç avtoqol müəllifi olub. 35-ci dəqiqədə isə Lisandro Martines fərqlənib.
Beləliklə, ölkə çempionu "İnter" kuboka da sahib çıxmaqla "qızıl dubl" edib.
Rusiyanın gecə hücumu nəticəsində Kiyevdə beş nəfərin öldüyü məlumdur.
Azərbaycanın Siyasi Məhbuslarının Azadlığı Uğrunda İttifaq may ayı üçün Azərbaycanda siyasi məhbus kimi tanınan şəxslərin siyahısını yeniləyib.
Yeni siyahıda 328 nəfərin adı var. Bu, ən son yanvarda yenilənən siyahıdan 12 nəfər azdır.
Lakin təşkilat bildirir ki, ötən müddət ərzində yeni həbs olunan şəxslər də var. Onların əksəriyyətinin "İran casusu" adı ilə həbs olunan, lakin narkotik ittihamı irəli sürülən inanclı fəallar olduğu deyilir.
Avropa aviaşirkətləri, hava limanları və turizm operatorları yay mövsümü ərəfəsində turistləri sakitləşdirmək və gəlirlər üçün əsas olan dövrdə rezervasiyaların azalmasının qarşısını almaq məqsədilə aviasiya yanacağı çatışmazlığı ilə bağlı riskləri qəsdən azaldırlar.
Bu barədə "Reuters" məlumat yayıb.
Beynəlxalq münasibətlər üzrə ekspert Professor Dr. Con C. Mirşaymer hakim Endryu Napolitanonun proqramında Amerika xarici siyasətinin strateji çöküşünü və qlobal güc balansının dəyişməsini qiymətləndirib.
Professor Mirşaymer son 25 il ərzində Amerika xarici siyasətinin uğursuzluqlarını, Yaxın Şərqdə davam edən münaqişələrin Vaşinqtonun qlobal mövqeyinə təsirini və böyük güclər arasında dəyişən tənliyi araşdırıb.
Şeybani İsrail və Suriya arasında 1974-cü il təhlükəsizlik sazişinə qayıtmağa çağırıb və İsrailin işğal olunmuş ərazilərdən geri çəkilməsini tələb edib. Bəyanatlar Dəməşq və Brüssel arasında yüksək səviyyəli siyasi danışıqların davam etdiyi bir vaxtda verilib. İsrail xarici işlər naziri Əsəd əl-Şeybaninin verdiyi müsahibədə İsrailin Suriyanın sabitliyini "təhdid edən" hərəkətləri dayandırmalı və "sakit və hərtərəfli" təhlükəsizlik sazişi üzərində işləməli olduğunu söyləyib.
Ukraynanın daxili siyasətində zəlzələ effekti yaradan hadisə baş verib. Kiyev Ali Antikorrupsiya Məhkəməsi Ukrayna Prezident Ofisinin sabiq rəhbəri Andrey Yermak barəsində həbs qətimkan tədbiri seçib.
Futbol üzrə Fransa çempionatının qalibi müəyyənləşib.
Liqa 1-in XXIX turundan təxirə salınmış oyunda səfərdə "Lans"a 1:0 hesabı ilə qalib gələn PSJ sona bir tur qalmış çempionluğunu elan edib.
Bu nəticədən sonra xallarını 76-ya çatdıran Paris klubu ən yaxın izləyicisi "Lans"ı 9 xal qabaqlayır.
İsrailin hakim koalisiyası parlamentin hazırkı çağırışının buraxılması ilə bağlı qanun layihəsi təqdim edib.
Bu barədə İsrailin Kan dövlət televiziyası məlumat yayıb.
Qanun layihəsi 13 mayda Baş nazir Benyamin Netanyahunun Likud partiyasından olan parlament üzvü, koalisiya sədri Ofir Katz tərəfindən təqdim edilib.
Layihənin bütün koalisiya fraksiyalarının rəhbərləri tərəfindən dəstəkləndiyi bildirilir.
Azərbaycan Xalq Cəbhəsi Partiyasının (AXCP) həbsdə olan sədri Əli Kərimli ev dustaqlığına buraxılmayıb.
Partiya üzvlərinin məlumatına görə, bu barədə mayın 13-də Səbail Rayon Məhkəməsi qərar verib.
Vəkilləri Ə.Kərimlinin atasının bu yaxınlarda vəfat etməsi ilə əlaqədar onun ev dustaqlığına buraxılması üçün vəsatət versə də, məhkəmə onu təmin etməyib.
