İslam İnqilabı Keşikçiləri Korpusu (SEPAH) Hörmüz boğazında iki gəmini saxlayıb.
Bu barədə İRNA məlumat yayıb.
Qeyd olunub ki, SEPAH-ın Hərbi Dəniz Qüvvələri boğazda monitorinq sistemlərindən istifadə edərək qaydaları pozan İsraillə əlaqəli "MSC Francesca" və "Epaminondas" gəmilərini müəyyən edərək saxlayıb.
Rusiya ordusu aprelin 27-nə keçən gecə Ukraynanın Odessa şəhərinə növbəti kütləvi dron hücumu edib.
Bu barədə Odessa Şəhər Hərbi Administrasiyasının rəhbəri Sergey Lısak məlumat verib.
Hücum nəticəsində çoxmərtəbəli yaşayış binaları, hotel, nəqliyyat vasitələri və şəhər mərkəzindəki digər obyektlər zədələnib.
İspaniya Sequndasında "Real Saraqosa" və "Ueska" komandaları arasında keçirilən derbi qalmaqallı hadisə ilə yadda qalıb.
Livan Hizbullahı İsrailə qarşı görünməmiş bir əməliyyat həyata keçirib.
Belə ki, saat 09:40-da Cənubi Livanda sərhəddə yerləşən Tayyibə qəsəbəsində İsrail əsgərlərinin cəmləşdiyi ərazi pilotsuz uçuş aparatı (PUA) ilə hədəfə alınıb. Bu hücumdan sonra bölgədə hərbi əməliyyatın xarakterini müəyyən edən əsas məqam yaşanıb: İsrail ordusunun yaralıları çıxarmaq üçün göndərdiyi təxliyyə qrupu bölgəyə çatdıqda, Hizbullah tərəfindən ikinci bir PUA zərbəsi endirilib.
İsrailin keçmiş baş nazirləri Naftali Bennett və Yair Lapid qüvvələrini birləşdirərək yeni siyasi blok yaradıb.
“Bennet 2026” və Yesh Atid partiyalarının birləşməsi ilə “Birlikdə” adlı alyans elan olunub və rəhbərlik Bennetə verilib.
Yeni ittifaqın əsas məqsədi hazırkı baş nazir Benyamin Netanyahu və onun hökumətini hakimiyyətdən uzaqlaşdırmaqdır.
İran vasitəçilər üzərindən ABŞ-yə danışıqlar üçün yeni üçmərhələli təklif göndərib.
Bu barədə Al Mayadeen məlumat yayıb.
Məlumata görə, Tehran danışıqları konkret mərhələlər üzrə qurmağı təklif edir və hər növbəti addım yalnız əvvəlki mərhələnin tam icrasından sonra mümkün sayılır.
"Hizbullah" hərəkatının baş katibi Şeyx Naim Qasim Livan hökumətini İsrail ilə birbaşa danışıqlara son qoymağa çağırıb.
O, bu barədə bəyanat yayıb.
Qasim vurğulayıb ki, Livan hökumətinin məsuliyyəti İsrail ilə birbaşa danışıqları dayandırmaqdır.
"Hakimiyyət milli maraqları birinci yerə qoymalı və Hizbullah döyüşçülərini qanunsuz elan edən 2 mart tarixli rüsvayçı qərarı ləğv etməlidir", - bəyanatda qeyd olunub.
