"Meclis.info" saytının həbsdə olan rəhbəri İmran Əliyev onurğa nahiyəsindəki yırtığa görə əməliyyata ehtiyacı olduğunu deyir.
"Azadlıq Radiosu"nun xəbərinə görə, o, bunu martın 31-də keçirilən məhkəmə prosesində dilə gətirib.
İran ordusu Qətər sahillərində neft tankerini hədəf alıb. Bu barədə Qətər Müdafiə Nazirliyi məlumat yayıb.
Məlumata görə, tanker üç ədəd qanadlı raketlə hədəf alınıb.
“İki raket zərərsizləşdirilib, üçüncüsü isə “Qatar Energy” şirkətinə icarəyə verilmiş tankeri vurub”, - Qətər MN-dən bildirilib.
Tankerdəki 21 nəfərlin heyətin təxliyə edildiyi və xəsarət alanların olmadığı qeyd olunub.
Sionist rejimin Səhiyyə Nazirliyi açıqlayıb ki, çərşənbə axşamı günü ərzində 118 nəfər müxtəlif xəsarətlərlə xəstəxanalara qəbul edilib. Bu göstərici münaqişənin davam etdiyi şəraitdə artan işğalçı itkilərini əks etdirir.
Nazirliyin məlumatına görə, fevralın 28-də başlanan və “Şir nəriltisi” adlandırılan əməliyyatlardan bu yana xəstəxanalara yerləşdirilən yaralıların ümumi sayı 6638 nəfərə çatıb.
Bu statistika martın 31-i gecə saatlarınadək olan dövrü əhatə edir.
ABŞ-İsrailin İrana qarşı başlatdığı müharibədə İslam Respublikasının tərəfindən müharibəyə qoşulan Yəmən (“Ənsarullah” hərəkatı, husilər) dünya üçün strateji əhəmiyyət daşıyan Bab əl-Məndəb boğazını bağlaya bilər. Bu isə neftin bir barelinin qiymətinin 200 dollara çatmasına səbəb ola bilər.
Bu barədə Yəmənin informasiya nazirinin müavini Məhəmməd Mənsur xəbərdarlıq edib.
Bəzi sosial media hesablarında yer alan ABŞ-yə məxsus "B-1B Lancer" bombardmançı təyyarələrinin İncirlik Hava Bazasında eniş və uçuş etməyə davam etdiyi ilə bağlı iddialar dezinformasiyadır.
Bu barədəTürkiyənin Dezinformasiya ilə Mübarizə Mərkəzi məlumat yayıb.
ABŞ və İsrail İranda mülki və dini məkanları hədəf almağa davam edir.
ABŞ-İsrail bu gün Zəncan şəhərində yerləşən Böyük Hüseyniyyə məscid kompleksinə zərbələr endirib.
Nəticədə ABŞ və İsrail tərəfindən 4 müsəlman qətlə yetirilib, 26 nəfər isə yaralanıb.
Çirkin hücum kompleksin inzibati binasının, qonaq evini, kitabxanasının, xeyriyyə fondunun, həmçinin ətrafdakı mağazaların dağılmasına səbəb olub.
Bu gün DÇ-2026-nın Avropa zonası üzrə seçmə mərhələsinin pley-off finalları keçirir.
Nəticədə mundiala vəsiqə qazanan daha 4 milli komanda müəyyənləşir.
Yarımfinalda Rumıniyanı üstələyən (1:0) Türkiyə millisi səfərdə Kosovo ilə qarşılaşıb. Vinçenzo Montellanın komandası 1:0 hesabı ilə qalib gələrək DÇ-2026-nın final mərhələsinə yüksəlib. Beləliklə, Türkiyə yığması 24 il sonra ilk dəfə mundialda oynayacaq.
"Meydan TV"-nin həbsdə olan baş redaktoru Aynur Elgünəş (Qənbərova) ictimaiyyətə açıq məktub yazıb.
"Meydan TV"-nin dərc etdiyi məktubda jurnalist süni intellektlə bağlı yeni qəbul olunan qanundan, hüquq-mühafizə sistemindən və cəmiyyətin maarif səviyyəsindən yazıb.
"Toplum TV" məktubu olduğu kimi təqdim edir.
Abşeron rayonunun Mehdiabad qəsəbəsində yerləşən 1 nömrəli tam orta məktəbdə hicab səbəbindən 20-dən çox şagirdin təhsil müəssisəsinə girişi qadağan edilib. Valideynlərin məlumatına görə, məktəb direktoru Pənah Babayev ilk öncə hicabın rənginin ağ olması tələbini irəli sürüb, sonradan isə baş örtüyü ilə dərsə gəlməyi tamamilə qadağan edib. Direktor valideynlərə bildirib ki, məktəbli geyiminin tərkibinə hicab daxil deyil, əks halda uşaqlar buraxılmayacaq.
