Azərbaycan cüdoçusu Ayxan Mirzəzadə Monteneqronun paytaxtı Podqoritsada keçirilən gənclər arasında Avropa çempionatının qızıl medalını qazanıb.
60 kq çəki dərəcəsində mübarizə aparan idmançı həlledici mərhələdə Fransa təmsilçisi Lusien Tiksyeyə qalib gələrək fəxri kürsünün ən yüksək pilləsinə qalxıb.
İsrailin Haaretz qəzeti yüksək vəzifəli İsrail rəsmisinə istinadən Azərbaycanın Türkiyə ilə İsrail arasında əlaqələrdə vasitəçilik etdiyini, lakin son aylarda bu dialoqun əsasən dayandırıldığını bildirib.
Rəsmi şəxs bildirib ki, İsrail Türkiyəni "düşmən" kimi deyil, regionda maraqları ilə ziddiyyət təşkil edən "rəqib dövlət" kimi görür. Hesabata görə, münasibətlərdəki gərginlik Türkiyənin Suriyada artan hərbi və siyasi təsirinə və İsrailin bu ölkədə əməliyyatlarını davam etdirmək istəyinə əsaslanır.
Fransanın ifrat sağçı “Milli Birlik” partiyasının deputatı Jan-Filip Tanqi bildirib ki, 2027-ci il prezident seçkilərində partiyası qalib gəlsə, hicab taxan qadınlar üçün cərimələrin tətbiq edilməsini planlaşdırılır.
Onun sözlərinə görə, RN-in namizədi Marin Le Pen seçkilərdə qalib gəlsə, partiya qadınları hicab taxdıqları üçün cərimələmək niyyətindədir. “Biz islamçı ideologiyaya qarşı qətiyyətlə mübarizə aparacağıq”, – deyə Tanqi bildirib.
İran ABŞ-ın Küveyt və BƏƏ-dəki bazalarını hədəfə aldığını açıqlayıb.
İran ordusu ABŞ-ın BƏƏ və Küveytdəki bazalarının raketlər və hücum tipli pilotsuz uçuş aparatları ilə vurulduğunu bildirib.
İran ordusunun məlumatında bildirilib ki, Küveytdəki Əhməd əl-Cabir aviabazasında ABŞ ordusuna məxsus peyk rabitəsi sistemləri, avadanlıq anbarları və qırıcı təyyarələrin anqarları raketlər və hücum tipli PUA-larla hədəfə alınıb.
“Toplum TV işi” üzrə 14 il azadlıqdan məhrum edilən media hüququ üzrə ekspert Ələsgər Məmmədli əldə etdiyi ümumi və biokimyəvi qan analizlərinin cavablarını ailəsinə verib.
Bu barədə onun həyat yoldaşı Günay Məmmədli məlumat yayıb.
G.Məmmədli bildirilib ki, Ə.Məmmədli sentyabrın 2-də görüş zamanı analizlərinin cavablarının yalnız bir qismini onlara verə bilib. Onun sözlərinə görə, bəzi analizlərin nəticələri təqdim edilməyib və onların harada olduğu bilinmir.
Nücəba Hərəkatının Baş Katibi Əkrəm əl-Kəəbi, ABŞ qüvvələrinin 30 sentyabra qədər İraqdan tamamilə çəkilməməsi halında "həlledici müharibəyə" hazır olduqlarını və ölkədə qalan hər hansı bir əsgəri hədəf alacağı ilə hədələdiklərini bildirib.
Nücəba Hərəkatının Baş Katibi Şeyx Əkrəm əl-Kəəbi, "həlledici müharibəyə girməyə tam hazır olduqlarını" və işğalçı qüvvələrin qurudan və havadan tamamilə çəkilmək öhdəliyindən imtina edəcəyi təqdirdə 30 sentyabrı gözlədiklərini bildirib.
Böyük Britaniyanın İsrailə qarşı tənqidi, Qərb Şəriyəsindəki məskunlaşma siyasətinə qarşı beynəlxalq reaksiyanın artdığı bir vaxta təsadüf edir.
Böyük Britaniyanın xarici işlər naziri Ed Miliband çərşənbə axşamı parlamentdə çıxışında İsrail köçkünlərinin fələstinlilərə qarşı hücumlarını qətiyyətlə pislədi və Britaniyanın İsrailə qarşı siyasətində "hərtərəfli dəyişiklik" edəcəyini açıqlayıb.
Yəmən Ordusu və Silahlı Qüvvələri cümə axşamı səhər tezdən ölkənin cənub-qərbindəki Səudiyyə Ərəbistanı qüvvələrinə məxsus bazaları hədəfə alıb.
Yerli mənbələr cümə axşamı səhər tezdən Yəmənin cənub-qərbində çoxsaylı partlayış səslərinin eşidildiyini bildirib.
Yəmən Ordusu və Silahlı Qüvvələrinin Taiz əyalətindəki əl-Muha (Moxa) limanındakı Səudiyyə Ərəbistanı düşərgələrinə hücum etdiyi bildirilir.
Nüvə enerjisinin dinc məqsədlərlə istifadəsində əməkdaşlıq haqqında Vaşinqton-Ər-Riyad müqaviləsi uranı 20 faizə qədər zənginləşdirmək imkanını özündə ehtiva edir.
Azərbaycan və Litva milli komandaları arasında oktyabrın 4-də keçiriləcək qarşılaşmanın məkanı dəyişdirilib.
Bu haqda AFFA-nın mətbuat xidməti məlumat yayıb. Oyunun ilkin olaraq Gəncə şəhərində keçirilməsi ilə bağlı UEFA-nın müvafiq razılığı alınsa da tərəflər arasında aparılmış əlavə müzakirələr, eləcə də qarşılaşmanın təşkili ilə bağlı texniki və logistika məsələlərinin ümumi qiymətləndirilməsi nəticəsində qarşılaşmanın Bakıda keçirilməsi qərara alınıb.
Türkiyə mətbuatına istinadən verdiyi xəbərə görə, İsrail əsgərləri İordan çayının qərb sahilindəki məscidin daxilinə gözyaşardıcı qaz bombası atıblar.
Sosial mediada “Allah yoxdur” səhifəsi açaraq çıxışlar edən “Çevik” ləqəbi ilə tanınan tiktoker Məqsəd Bağırov yaşadığı Qəbələ şəhərində hücuma məruz qalıb.
Hadisə ilə bağlı 1 nəfər polis əməkdaşları tərəfindən saxlanılıb.
Faktla bağlı müvafiq ekspertiza təyin edilib, araşdırma aparılır.
İran Hörmüz boğazından keçməyə çalışan və qaydalara əməl etməyən daha 11 gəmini qara siyahıya salıb. Bununla da İranın qara siyahısına daxil edilən gəmilərin sayı 56-ya çatıb.
Bu barədə İranın Hörmüz boğazından keçidlərə nəzarət etmək üçün yaratdığı Fars Körfəzi Boğaz İdarəsi (PGSA) məlumat yayıb.
Məlumata görə, qaydaları pozan gəmilər gələcək keçidlər zamanı cərimə, saxlanılma və ya müsadirə ilə üzləşə bilər.
