İran İslam Respublikası Ali Rəhbərinin beynəlxalq əlaqələr üzrə müşaviri doktor Əli Əkbər Vilayəti Şeyx Səfiəddin Ərdəbilinin anım mərasiminə göndərdiyi mesajda Azərbaycan Respublikası və Zəngəzur dəhlizi ilə bağlı mühüm açıqlamalar verib.
O, mesajında bunları vurğulayıb:
“ABŞ və qlobal sionizm İranın tarixi birliyindən və mədəni dərinliyindən narahatdır və bu kimliyin əsaslarını zəiflədərək İranın milli təhlükəsizliyini pozmağa çalışır. Bu kontekstdə Zəngəzur dəhlizi kimi layihələr əslində daha böyük geosiyasi planların bir hissəsi kimi həyata keçirilir ki, buradakı əsas məqsəd müqavimət oxunu zəiflətmək, İranla Qafqaz arasında əlaqəni kəsmək, İran və Rusiyanı regionun cənubunda quru sərhədlərindən məhrum edib mühasirəyə almaqdır.”
Bu quruluşun İslam dini ilə gücləndiyini və İranın tarix boyu tövhid inancı ilə formalaşdığını bildirən Vilayəti Şeyx Səfiəddin Ərdəbilinin bu tarixi prosesin mənəvi memarlarından biri olduğunu qeyd edib. Səfiəddinin ziyalı və sufi irsi əsasında qurulan Səfəvi dövləti İranı birləşdirdi və onu mədəni, dini və siyasi mərkəzə çevirdi.
Vilayəti qeyd edib ki, bu layihəni “regional iqtisadi təşəbbüs” kimi təqdim edənlər əslində İran və Rusiyanı mühasirəyə almaq, Qafqazla əlaqələrini kəsmək və müqavimət oxunu təcrid etmək məqsədi güdürlər. O, bu layihənin NATO və bəzi pantürkist dairələrin dəstəyi ilə həyata keçirildiyini və ABŞ-ın Ukraynanı deyil, Qafqazı yeni təzyiq cəbhəsinə çevirmək planının tərkib hissəsi olduğunu vurğulayıb.
Vilayəti bəyan edib ki, İran bu təhlükəyə ən yüksək səviyyədə reaksiya verib, sərhəd bölgələrinə hərbi qüvvələr yerləşdirmək və çəkindirmə təlimləri keçirməklə bu cür cəhdlərə açıq şəkildə qarşı çıxıb. İranın “aktiv qabaqlayıcı strategiyası” passiv cavab tədbirləri deyil, proaktiv tədbirlər vasitəsilə milli təhlükəsizliyin qorunması üsuludur.
O, Azərbaycan xalqının Osmanlı və Çar Rusiyasına qarşı dirənişini, Abbas Mirzə kimi sərkərdələrin və görkəmli şiə alimlərinin rəhbərliyi altında apardığı mübarizəni xatırladıb və eyni təhdid qarşısında eyni şüurun bu gün də davam etdiyini bildirib.
Həmçinin qeyd edib ki, Demokratlar Partiyası dövründə Sovetin dəstəklədiyi ayrılma cəhdi xalqın müqaviməti ilə məğlub olub.
"Bu gün düşmənlər iqtisadi görünən, lakin əslində bölücü planlarla İranın geosiyasi dərinliklərinə nüfuz etməyə çalışırlar. Lakin İran xalqı keçmişdə olduğu kimi, bu gün də bu sui-qəsdlərə qarşı duracaq. Şeyx Səfiəddinin müdrikliyi və birləşdirici irsi bugünkü müqavimətin ilham mənbəyidir.
Şeyx Səfiəddinin xatirəsi yaşasın, yolu aydın, ardıcılları əbədi olsun”.
Əli Əkbər Vilayəti
Vilayəti: "Zəngəzur dəhlizi ABŞ-ın Rusiya və İrana təzyiq layihəsidir"
İran İslam Respublikası Ali Rəhbərinin beynəlxalq əlaqələr üzrə müşaviri doktor Əli Əkbər Vilayəti Şeyx Səfiəddin Ərdəbilinin anım mərasiminə göndərdiyi mesajda Azərbaycan Respublikası və Zəngəzur dəhlizi ilə bağlı mühüm açıqlamalar verib.
O, mesajında bunları vurğulayıb:
“ABŞ və qlobal sionizm İranın tarixi birliyindən və mədəni dərinliyindən narahatdır və bu kimliyin əsaslarını zəiflədərək İranın milli təhlükəsizliyini pozmağa çalışır. Bu kontekstdə Zəngəzur dəhlizi kimi layihələr əslində daha böyük geosiyasi planların bir hissəsi kimi həyata keçirilir ki, buradakı əsas məqsəd müqavimət oxunu zəiflətmək, İranla Qafqaz arasında əlaqəni kəsmək, İran və Rusiyanı regionun cənubunda quru sərhədlərindən məhrum edib mühasirəyə almaqdır.”
Bu quruluşun İslam dini ilə gücləndiyini və İranın tarix boyu tövhid inancı ilə formalaşdığını bildirən Vilayəti Şeyx Səfiəddin Ərdəbilinin bu tarixi prosesin mənəvi memarlarından biri olduğunu qeyd edib. Səfiəddinin ziyalı və sufi irsi əsasında qurulan Səfəvi dövləti İranı birləşdirdi və onu mədəni, dini və siyasi mərkəzə çevirdi.
Vilayəti qeyd edib ki, bu layihəni “regional iqtisadi təşəbbüs” kimi təqdim edənlər əslində İran və Rusiyanı mühasirəyə almaq, Qafqazla əlaqələrini kəsmək və müqavimət oxunu təcrid etmək məqsədi güdürlər. O, bu layihənin NATO və bəzi pantürkist dairələrin dəstəyi ilə həyata keçirildiyini və ABŞ-ın Ukraynanı deyil, Qafqazı yeni təzyiq cəbhəsinə çevirmək planının tərkib hissəsi olduğunu vurğulayıb.
Vilayəti bəyan edib ki, İran bu təhlükəyə ən yüksək səviyyədə reaksiya verib, sərhəd bölgələrinə hərbi qüvvələr yerləşdirmək və çəkindirmə təlimləri keçirməklə bu cür cəhdlərə açıq şəkildə qarşı çıxıb. İranın “aktiv qabaqlayıcı strategiyası” passiv cavab tədbirləri deyil, proaktiv tədbirlər vasitəsilə milli təhlükəsizliyin qorunması üsuludur.
O, Azərbaycan xalqının Osmanlı və Çar Rusiyasına qarşı dirənişini, Abbas Mirzə kimi sərkərdələrin və görkəmli şiə alimlərinin rəhbərliyi altında apardığı mübarizəni xatırladıb və eyni təhdid qarşısında eyni şüurun bu gün də davam etdiyini bildirib.
Həmçinin qeyd edib ki, Demokratlar Partiyası dövründə Sovetin dəstəklədiyi ayrılma cəhdi xalqın müqaviməti ilə məğlub olub.
"Bu gün düşmənlər iqtisadi görünən, lakin əslində bölücü planlarla İranın geosiyasi dərinliklərinə nüfuz etməyə çalışırlar. Lakin İran xalqı keçmişdə olduğu kimi, bu gün də bu sui-qəsdlərə qarşı duracaq. Şeyx Səfiəddinin müdrikliyi və birləşdirici irsi bugünkü müqavimətin ilham mənbəyidir.
Şeyx Səfiəddinin xatirəsi yaşasın, yolu aydın, ardıcılları əbədi olsun”.
Əli Əkbər Vilayəti