Azərbaycanın olimpiya çempionu Hidayət Heydərov və cüdo millisinin baş məşqçisi Riçard Trautman Monteneqroda mükafatlandırılıb.
Hidayət Heydərov 2024-cü ilin ən yaxşı kişi cüdoçusu adına layiq görülüb.
Ona mükafatı Avropa Cüdo İttifaqının (EJU) prezidenti Laslo Tot təqdim edib.
EJU-nun rəsmi saytında bu barədə yazılır:
İstanbul Böyükşəhər Bələdiyyəsinə (İBB) qarşı aparılan korrupsiya istintaqı çərçivəsində daha 53 şübhəlinin saxlanılmasına qərar verilib.
Bununla bağlı keçirilən yeni əməliyyat zamanı İstanbul Su və Kanalizasiya İdarəsinin (İSKİ) baş direktoru Şafak Başa, eləcə də Əkrəm İmamoğlunun xüsusi katibliyinin müdiri Kadriye Kasapoğlu da daxil olmaqla, 47 nəfər saxlanılıb. Şübhəlilərin ev və iş yerlərində axtarışlar davam edir.
Colani hökumətinin xarici işlər naziri BMT Təhlükəsizlik Şurasının iclasındakı çıxışında silahlı qrupların hökmran olduğu Suriyanın heç vaxt İsrail rejimi üçün təhdid olmayacağını bildirib.
Colani hökumətinin xarici işlər naziri Əsəd Əl-Şeybani Birləşmiş Millətlər Təşkilatının Təhlükəsizlik Şurasının Suriya ilə bağlı iclasında çıxış edərək, hərbi qruplaşmaları birləşdirdiklərini və qruplaşmalar dövrünə son qoyduqlarını iddia edib.
Roma Papası Fransisk Vatikanda dəfn olunub.
O, Santa Maria Maggiore bazilikasında dəfn edilib.
Suriya mənbələri son 24 saat ərzində Ələvi qəbiləsindən 13 mülki şəxsin öldürüldüyünü açıqlayıb.
Son 24 saat ərzində Homsda Ələvi qəbiləsindən 13 mülki şəxs öldürülüb, onlardan 7-si Suriyanın mərkəzi Homs şəhərinin müxtəlif yerlərində müxalif təhlükəsizlik qüvvələri tərəfindən qətlə yetirilib.
Pakistandakı Vəhdəti Müsəlmanlar Məclisinin (MWM) liderlərindən biri Səudiyyə Ərəbistanının şiələrə qarşı ayrı-seçkilik rəftarını və Əllamə Qulam Həsən əl-Vicdaninin həbsini tənqid edərək, din xadiminin dərhal azad edilməsini tələb edib və Pakistan Xarici İşlər Nazirliyindən məsələnin diplomatik yollarla həllini tapmasını istəyib.
Suriyada Dəməşq şəhərində Xanım Zeynəbin (ə.s) mübarək Ziyarətgahında təmir işləri aparılır.
Bir həftə öncə başlamış təmir işləri çərçivəsində ziyarətgahın həyətində sınmış mərmərlər dəyişdirilir.
Məlumata görə, hərəmin ətrafında yerləşən dəhlizlərdəki bəzəklər və naxışlar bərpa edilir, eləcə də idarə otaqlarının taxta qapıları təmizlənir və təmir olunur.
Türkiyə Super Liqasında XXXIII tura start verilib.
İlk oyun günündə "Beşiktaş" meydana çıxıb.
"Qara qartallar" "Hatayspor"u qəbul ediblər.
Görüş İstanbul təmsilçisinin böyükhesablı qələbəsi ilə nəticələnib. Komanda 5:1 hesablı qalibiyyətə sevinib.
Türkiyə Super Liqası
XXXIII tur
25 aprel
"Beşiktaş" – "Hatayspor" - 5:1
İsrailin Qəzza zolağına endirdiyi hava zərbələri nəticəsində son 24 saat ərzində azı 78 nəfər həlak olub.
Bu barədə anklavın Səhiyyə Xidməti məlumat yayıb.
Pakistan ordusu ölkənin şimal-qərbində yerləşən Xayber-Paxtunxva əyalətinin Bannu dairəsində keçirdiyi antiterror əməliyyatı zamanı ən azı altı silahlını zərərsizləşdirib, daha dörd nəfər isə yaralanıb.
Bu barədə "Geo TV" telekanalı Pakistan Silahlı Qüvvələrinin İctimaiyyətlə Əlaqələr üzrə Müştərək Komandanlığına (ISPR) istinadla məlumat yayıb.
