Mərhum Ayətullah Burcirdi 1955-ci ildə ziyarətçilərin ibadət və qonaq evi məqsədi ilə bu kompleksin tikilməsinə göstəriş vermiş, lakin Səddam rejimi tərəfindən sökülmüşdür.
Samirra şəhəri bazar günü Ayətullah Üzma Burucerdinin nəvəsi Ayətullah Seyid Məhəmməd Ələvi Burucerdi və çoxlu sayda ilahiyyat professoru və tələbələrinin iştirakı ilə Hüseyniyyə və Ziyarət Mərkəzinin açılışına şahidlik edib.
“Hizbullah” hərəkatı öz döyüşçülərinin silahsızlaşdırılması məsələsini yalnız İsrailin müəyyən şərtləri yerinə yetirməsi və hücumlardan zərər çəkmiş bölgələrin bərpası fonunda müzakirə etməyə hazır olduğunu bəyan edib.
Bu barədə Livan parlamentində “Müqavimətə sədaqət” fraksiyasının deputatı Həsən Fadlallah açıqlama verib.
Naxçıvanda xidmət yerindən itkin düşdükdən iki gün sonra nəşi tapılan əsgər Ceyhun Hüseynovun komandiri və tibb xidmət rəisi 4 ilə kimi azadlıqdan məhrum ediliblər. Onlar əsgərin ölümü ilə bağlı vəzifə səlahiyyətlərini aşmaqda təqsirli bilinib.
Pekin Tramp administrasiyasının ticarət tərəfdaşlarına danışıqlarda Çini təcrid etmək üçün təzyiq göstərməsi ilə bağlı xəbərlərə cavab olaraq, digər ölkələr Çinin maraqları bahasına ABŞ-la ticarət sövdələşmələri bağlayarsa, cavab addımı atacağına söz verib.
Digər ölkələr dünyanın iki ən böyük iqtisadiyyatı arasında ticarət müharibəsinə sürüklənərkən, Pekin Çinin maraqları bahasına ABŞ-la ticarət müqavilələri bağlayan ölkələrə qarşı cavab tədbirləri ilə bağlı xəbərdarlıq edib.
Həmas işğal altındakı İordan çayının qərb sahilindəki universitet tələbələri də daxil olmaqla fələstinliləri Qəzzaya dəstək məqsədilə sabah keçiriləcək etiraz aksiyalarında və kütləvi tədbirlərdə geniş şəkildə iştirak etməyə çağırıb.
HƏMAS lideri Əbdülrəhman Şədidin verdiyi açıqlamada Fələstin xalqını nümayişlər keçirməyə çağırıb.
İngiltərə Premyer Liqasında 33-cü tura yekun vurulub.
Turun son matçında “Tottenhem” öz meydanında “Nottingem Forest”i qəbul edib. Son turlar uğursuz çıxışla yadda qalan London klubu bu dəfə də məğlub olub.
21 aprel
“Tottenhem” - “Nottingem Forest” - 1:2
Qollar: Elliot Anderson, 5 (0:1), Kris Vud, 16 (0:2), Rişarlison, 87 (1:2)
Otuz fələstinli din alimi Seyid Həsən Nəsrullahın şəhadətini yad etmək üçün Beyrutun yerləşən şəhid hərəminə gedib.
Fələstin məsələsi ilə şəhid Seyid Həsən Nəsrullah arasındakı dərin əlaqəni ortaya qoyan simvolik tədbirdə Livandakı fələstinli qaçqın düşərgələrindən olan 30 din alimi şəhid Seyid Həsən Nəsrullahın məzarı başında bir araya gəlib. Bu səfər həmrəylik və Fələstin ideallarına sədaqət əlaməti olmaqla yanaşı, şəhid Nəsrullahın uca məqamına ehtiram olub.
Böyük təqlid müctəhidi Ayətullah Sistaninin Ofisi Papa Fransiskin vəfatı ilə Vatikanın dövlət katibi Kardinal Pietro Parolinə başsağlığı məktubu göndərib.
Başsağlığı məktubunda Papa Fransiskin dünyada böyük mənəvi nüfuza malik şəxsiyyət olduğu, onun sülhə, dözümlülüyə və dünyanın müxtəlif bölgələrində məzlumlara dəstəyə verdiyi töhfənin önəmi vurğulanıb.
Fələstin Qızıl Aypara Cəmiyyəti Qəzzada fövqəladə xidmət işçilərindən 15-nin öldürülməsində əməliyyat uğursuzluqlarını günahlandıran İsrail ordusunun hərbi təhqiqatının nəticələrini rədd edərək, hesabatı “tamamilə yalanlarla dolu” adlandırıb.
Qızıl Ayparanın sözçüsü Nebal Farsax AFP xəbər agentliyinə bildirib ki, hesabat yalanlarla doludur. Bu, etibarsız və qəbuledilməzdir, çünki həmin hesabat qətlləri qanuniləşdirir və məsuliyyət şəxsi səhvlərdən asılıdır.
İsrailin Qəzza zolağına son 24 saatda endirdiyi zərbələr nəticəsində azı 29 nəfər həlak olub.
Bu barədə Qətərin “Əl-Cəzirə” telekanalı məlumat yayıb.
Suraxanı rayonunda ümumi sahəsi 200 m² (hər mərtəbəsi 100 m²) olan ikimərtəbəli 4 otaqlı evin (spirt məhsulları istehsalı sexi kimi fəaliyyət göstərən) yanar konstruksiyaları yanıb.
Bu barədə FHN-dən məlumat verilib.
Yanğın yerinin kəşfiyyatı zamanı 1 nəfərin yanmış meyiti yanğınsöndürənlər tərəfindən aşkar edilərək aidiyyəti üzrə təhvil verilib və yanğın zamanı 1 nəfər yanıq xəsarəti alıb. Yaxınlıqdakı tikililər yanğından mühafizə olunub.
