Azərbaycan Basketbol Liqası: XV tura yekun vurulub

Operativtv.com Az.shafaqna.com-a istinadən verdiyi xəbərə görə, Azərbaycan Basketbol Liqasında (ABL) XV tur yekunlaşıb.

Məlumata əsasən, turun bağlanış oyunu bu gün Sərhədçi İdman Mərkəzində “AAAF Xırdalan BK” və “Neftçi İK” arasında keçirilib.

Gərgin və maraqlı mübarizə şəraitində keçən, əlavə vaxta gedən oyunun sonunda “AAAF Xırdalan BK” rəqibi üzərində 104-102 hesablı qələbə qazanıb.

Matçın ən məhsuldar basketbolçuları “AAAF Xırdalan BK”dan Devin Pullum (35 xal, 5 asist ), “Neftçi İK”dan isə Davit Lomidze (24 xal, 4 ribaund) olub.

Qeyd edək ki, “Gəncə BK” – “Olimpik Şəki BK” komandaları arasındakı oyun texniki və təşkilati məsələlərə görə qeyri-müəyyən vaxta təxirə salınıb.